काठमाडौं– स्पेनिस लिगमा रियल मड्रिडले सहज जित हात पारेको छ। शनिबार राति सम्पन्न खेलमा रियल मड्रिडले रियो भालेकानोलाई २–१ गोल अन्तरले हराएको हो।
रियलको जितमा टोली क्रुस र करिम बेन्जिमाले एक÷एक गोल गरे भने रियो भालेकानोका लागि राडामेल फाल्काओले गोल फर्काए।
खेलको १४औं मिनेटमा क्रुसको गोलबाट रियलले अग्रता लिएको थियो। खेलको ३८औं मिनेटमा बेन्जिमाले गोल गर्दै रियलको अग्रता दोब्बर बनाए।
दोस्रो हाफको अन्त्यतिर फाल्काओले गोल गर्दै अग्रता घटाए पनि रियो भालेकानो खेलमा फर्कन सकेन।
जितसँगै शीर्ष स्थानमा रियलको २७ अंक छ। पराजित भालेकानो २० अंकसहित तालिकाको छैटौं स्थानमा रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
