नयाँ प्याकेजिङ आउँदै खुकुरी रम

कर्पोरेट

नेपाल लाइभ बुधबार, कात्तिक १७, २०७८ १९:०८

काठमाडौं- खुकुरी रमले आफ्नो प्याकेजिङ(प्याक) परिवर्तनको निर्णय गरेको छ।

स्थापनाको ६२ वर्षपछि समयको माग र ग्राहकको अपेक्षालाई समेत ध्यानमा राखी कम्पनीले आफ्नो प्याकेजिङ परिवर्तन गरी अझ आकर्षक, विश्वस्तरीय एवम् वातावरणमैत्री रुपमा बजारमा उत्रिने निर्णय गरेको जानकारी दिएको छ। यो निर्णयअनुसार चाँडै विश्वस्तरीय नयाँ प्याकसहित बजारमा आउने तयारीसमेत तीव्र गतिमा अगाडि बढेको कम्पनीको भनाइ छ।

'रमको प्याकेजिङ तथा बोटलको लुक्स निकै आकर्षक बनाइएको छ। प्याकेजिङ परिवर्तन भए पनि ब्लेण्ड र स्वादमा भने कुनै परिवर्तन गरिने छैन,' कम्पनीद्वारा जारी विज्ञप्तिमा उल्लेख छ, 'नयाँ प्याकेजिङसहितको खुकुरी रम तिहार र छठपछि बजारमा आउँदै छ।'

खुकुरी रमको पुरानो प्याकको अन्तिम ब्याचका उत्पादनहरु एक महिनाअघि नै बन्द भइसकेका छन्। तर, नयाँ प्याक लञ्च नहुञ्जेल बजारमा रहने भएकाले २०औं वर्षदेखि ग्राहकहरुको हृदयमा राज गरेको खुकुरी रमको पुरानो प्याक सम्झनाका लागि ग्राहकहरुले राख्नसक्ने जनाएको छ।

हाल नेपालबाहेक १३ देशका बजारमासमेत उपलब्ध हुँदै आएको खुकुरी रमको प्याकेजिङ स्थानीय र अन्तराष्ट्रिय बजारमा एकैसाथ परिवर्तन हुन लागेको हो। 'खुकुरी रमको वर्षौंदेखिको मौलिक प्याकेजिङलाई ग्राहकको आकांक्षाअनुरुप परिस्कृत गर्दै तयार पारिएको नयाँ प्याकेजिङले स्थानीय र विश्व बजारका ग्राहकहरुको मन जित्ने विश्वास छ,' खुकुरी रमको उत्पादक, नेपाल डिस्टिलरिजका महाप्रबन्धक शुभाष लामिछानेले भने।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौं उपत्यकामा भूकम्पको धक्का

राष्ट्रपतिसमक्ष एकैपटक ५ वटा अध्यादेश सिफारिस

रविलाई आज पनि हिरासतमै पठाउने आदेश