बार्सिलोनाका प्रशिक्षक कोम्यान बर्खास्त

फुटबल

नेपाल लाइभ बिहीबार, कात्तिक ११, २०७८ ०६:३७

काठमाडौं– स्पेनिस क्लब बार्सिलोनाले प्रशिक्षक रोनाल्ड कोम्यानलाई बर्खास्त गरेको छ। बुधवार ला लिगामा रायो भालेकानोसँग १–० ले पराजित भएपछि प्रशिक्षक कोम्यानलाई बर्खास्त गरेको क्लबले जनाएको छ। अन्तिम चार लिग खेलहरूमा बार्साले तेस्रो हार बेहोरेसँगै प्रशिक्षक वर्खास्तीमा परेका हुन्।

कोम्यान बाहिरिएपछि क्लबको आगामी प्रशिक्षकमा जाभी हर्नान्डेज नियुक्त हुने सम्भावना रहेको क्लब पदाधिकारीलाई उद्धृत गर्दै समाचारहरुमा जनाइएको छ। हर्नान्डेज क्लबकै पूर्व खेलाडी हुन्।

गत सिजनदेखि नै बार्सिलोनाको खस्कँदो प्रदर्शनलाई लिएर कोम्यानको विषयमा विभिन्न चर्चा चलिरहेको थियो। लियोनल मेसीसहित महत्त्वपूर्ण खेलाडीले क्लब छाडेसँगै यो वर्ष बार्सिलोना खराब लयबाट गुज्रिरहेको छ।

गतवर्षमात्र कोम्यान २०२३ सम्म क्लबमै रहने जनाएको बार्सिलोनाले उनलाई प्रशिक्षकबाट हटाएको हो।

किके सेतिनलाई बर्खास्त गरेपछि बार्साले नेदरल्यान्ड्सका रोनाल्ड कोम्यानलाई आफ्नो नयाँ प्रशिक्षकको रुपमा नियुक्त गरेको थियो। कोम्यान जो बार्साकै पूर्व खेलाडीसमेत हुन।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

३०० दिनमा टियु क्रिकेट रंगशाला नबनेपछि दुई महिना म्याद थप

एसईई दिएर बसेका दुई किशोरको पौडी खेल्ने क्रममा ज्यान गयो

इजरायलमाथि हवाई नाकाबन्दी लगाउने हुथीको चेतावनी