टी–ट्वान्टी विश्वकप : नामिबियाद्वारा स्कटल्यान्ड पराजित

फुटबल

नेपाल लाइभ बिहीबार, कात्तिक ११, २०७८ ०६:०८

काठमाडौं– आईसीसी टी–ट्वान्टी विश्वकप क्रिकेट अन्तर्गत नामिबियाले विजयी सुरुवात गरेको छ। आबुधाबीमा बुधबार राति सम्पन्न खेलमा स्कटल्याण्डलाई पराजित गर्दै नामिबियाले विजयी सुरुवात गरेको हो।

स्कटल्याण्डलाई ४ विकेटले पराजित गर्दै नामिबियाले विश्वकपको सुपर १२ मा पहिलो पटक जित निकालेको हो। नामिबिया पहिलो पटक विश्वकपको सुपर १२ प्रवेश गरेको हो।

स्कटल्याण्डले दिएको १ सय १० रनको लक्ष्य नामिबियाले १९ ओभर १ बलमा ६ विकेट गुमाएर पूरा गर्यो। नामिबियाको जितमा जेजे स्मिथले अविजित ३२ रन बनाए। यस्तै क्रेग विलियम्सले २३, माइकल भानले १८ तथा डाविड बिएसले १६ रन जोडे।

स्कटल्याण्डका माइकल लास्कले दुई तथा क्रिस ग्रेभ्स, ब्राड ह्विल, मार्क वाट र साफ्यन शारिफले समान १/१ विकेट लिए।

यसअघि टस हारेर पहिले ब्याटिङ गरेको स्कटल्याण्डले २० ओभरमा ८ विकेट गुमाएर १ सय ९ रन बनाएको थियो।

स्कटल्याण्डका लागि माइकल लास्कले ४४ रन तथा क्रिस ग्रेभ्सले २५ रन जोड्दा म्याथ्यु क्रसले १९ रन बनाए।नामिबियाका रुबेन ट्रम्पेलमानले ३ तथा जान फ्राइलिंकले २ विकेट लिए।

जितसँगै समूह २ को नामिबियाले १ खेलमा २ अंक जोडेको छ। स्कटल्याण्डको यो लगातार दोस्रो हार हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

३०० दिनमा टियु क्रिकेट रंगशाला नबनेपछि दुई महिना म्याद थप

एसईई दिएर बसेका दुई किशोरको पौडी खेल्ने क्रममा ज्यान गयो

इजरायलमाथि हवाई नाकाबन्दी लगाउने हुथीको चेतावनी