झापा भेट्रान क्लब र बुटवल नगरपालिका विजयी

फुटबल

नेपाल लाइभ मंगलबार, कात्तिक ९, २०७८ १७:४१

काठमाडौं- मेयर कप भेट्रान फुटलब प्रतियोगिताअन्तर्गत आज भएको खेलमा झापा भेट्रान फुटबल क्लब र बुटवल नगरपालिकाले सुखद् नतिजा निकालेका छन्।

त्रिपुरेश्वरस्थित दशरथ रंगशालामा भएको खेलमा झापाले विजय युथ हेटौंडालाई ५-१ तथा अर्को खेलमा बुटवलले पश्चिम चितवनलाई १-० ले स्तब्ध बनाएको हो। हेटौंडामाथि शानदार जित निकालेको झापाले जारी प्रतियोगितामा सुखद् सुरुआत गरेको हो। झापाको जितमा नरेन्द्रमणि लिम्बूले चार गोल गरे। श्यामकुमार गोलेको नाममा एक गोल रह्यो। हेटौंडाका कृष्ण शाक्यले एक गोल फर्काएका थिए।

उक्त जितसँगै समूह ई को झापाले तीन अंक जोडेको छ। हेटौंडाको यो पहिलो हार हो। पहिलो खेलमा हेटौंडाले काभ्रे भेट्रान्सलाई हराउँदै प्रतियोगितामा सुखद् सुरुआत गरेको थियो। हेटौंडाले दुई खेलमा तीन अंक जोडेको छ।

यस्तै बुटवलले पश्चिम चितवनलाई पराजित गर्दा यमु रानाको गोल निर्णायक बन्यो। प्रतियोगिताअन्तर्गत आजै भएको अर्को खेलमा साइनिङ सन फुटबल एकेडेमीले ललितपुर वार्ड नम्बर १४ लाई २-० ले हराएको छ। साइनिङको जितमा उमेश लामा र राजु दंगालले एक/एक गोल गरे।

फुटबलर्स मिसन टुगेदरको आयोजनामा जारी प्रतियोगितामा २१ टिमले प्रतिस्पर्धा गरिरहेका छन्। आयोजकले २१ टिमलाई सात समूहमा विभाजन गरी प्रतिस्पर्धा गराएको छ। प्रत्येक समूहका विजेता र एक उत्कृष्ट उपविजेता टिमले दोस्रो चरणमा स्थान बनाउने छन्। प्रतियोगिताको विजेताले पाँच लाख र उपविजेताले दुई लाख ५० हजार रुपैयाँ पाउने छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

३०० दिनमा टियु क्रिकेट रंगशाला नबनेपछि दुई महिना म्याद थप

एसईई दिएर बसेका दुई किशोरको पौडी खेल्ने क्रममा ज्यान गयो

इजरायलमाथि हवाई नाकाबन्दी लगाउने हुथीको चेतावनी