उपमेयर कप : कन्काई नकआउट चरणमा

फुटबल

नेपाल लाइभ सोमबार, कात्तिक ८, २०७८ १६:५१

काठमाडौं- कन्काई नगरपालिका उपमेयर कप राष्ट्रिय महिला लिग छनोट प्रतियोगिताको ‘नकआउट’ चरणमा प्रवेश गरेको छ।

एन्फा कम्प्लेक्स सातदोबाटोमा सोमबार सम्पन्न खेलमा बागमती नगरपालिकासँग १-१ गोलको बराबरी खेल्दै कन्काई ‘नकआउट’ चरणमा पुगेको हो।

प्रतिस्पर्धात्मक खेलमा कुशुम खतिवडाले गोल गर्दै कन्काईलाई अग्रता दिलाएकी थिइन्। तर, सदिपा ब्लोनले गोल गर्दै बागमतीलाई हारबाट जोगाइन्।

यस बराबरीसँगै समूह ‘ए’ बाट कन्काईले ३ खेलमा ७ अंक जोड्यो। कन्काई शीर्षस्थानमा रहँदै नकआउट चरणमा पुगेको छ।

बागमतीले ३ खेलमा ७ अंक जोड्यो। तर, बागमती गोल अन्तरमा कन्काईसँग पछि परेको हो।

प्रतियोगितामा ३१ टोलीले प्रतिस्पर्धा गरिरहेका छन्। सहभागी टोलीलाई एन्फाले १० समूहमा विभाजन गरेको छ। प्रतियोगिताको विजेता र उपविजेता टोली महिलाको राष्ट्रिय लिगमा छनोट हुनेछन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

३०० दिनमा टियु क्रिकेट रंगशाला नबनेपछि दुई महिना म्याद थप

एसईई दिएर बसेका दुई किशोरको पौडी खेल्ने क्रममा ज्यान गयो

इजरायलमाथि हवाई नाकाबन्दी लगाउने हुथीको चेतावनी