काठमाडौं- अफगानिस्तानमा एक महिला भलिबल खेलाडीको घाँटी रेटेर हत्या गरिएको छ। हत्या गरिएकी महिला भलिबल खेलाडी जुनियर राष्ट्रिय टोलीको सदस्य भएको बताइएको छ।
अफगान महिला भलिबल टिमका प्रशिक्षकले महजवीन हाकिमी नाम गरेकी जुनियर महिला भलिबल खेलाडीको अक्टुबर महिनाको सुरुवातमा घाँटी रेटेर हत्या भएएको बताएका छन्। अफगानिस्तानमा तालिवानको सत्ता आउने बित्तिकै यस्तो पशुवत् व्यवहार देखिएको हो।
तालिवान लडाकुले यस विषयमा कसैसँग कुरा नगर्न परिवारलाई धम्की दिएका कारण सबै कुरा बाहिर नआएको उनले बताएका छन्।
यसअघि अशरफ घानी सरकारको पालामा महजवीनले काबुल नगरपालिका भलिबल क्लबमा अनुबन्धित भएर खेलेकी थिइन्। उनी क्लबको स्टार खेलाडी हुन्।
महजवीन अफगानिस्तानको हजारा जातिसँग आवद्ध थिइन्। हजारा अफगानिस्तानको अल्पसंख्यक जातिमा पर्छ। सुन्नी मुसलमानहरूको बाहूल्य रहेको अफगानिस्तानमा १० प्रतिशत मुसलमान शिया र बाँकी हजारा छन्। तालिवान र इस्लामिक स्टेट सुन्नी हुन्।
हजारा मंगोलिया र मध्य एसियाली मूल तथा मंगोलियाका पूर्वशासक चंगेज खानको वंशज मानिन्छन्। यो जाति धेरैजसो मध्यअफगानिस्तानको पहाडी क्षेत्रमा बसोबास गर्छन्। जसलाई हजारिस्तान भनेर पनि सम्बोधन गर्ने गरिन्छ।
संयुक्त राष्ट्र संघले २०१८ मा प्रकासित गरेको रिपोर्टमा तालिवानले अफगानिस्तानमा धेरै जसो अल्पसंख्यक जातिलाई आफ्नो तारो बनाउँदै आएका छन्। भलिबल टिमका प्रशिक्षकले तालिवानले अफगानिस्तानको सत्ता कब्जा गरेपछि धेरै महिला खेलाडी भाग्न सफल भएको तर महजवीन त्यहीँ बसेका कारण यो घटना भएको बताएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
