फाइल तस्बिर
काठमाडौं– माल्दिभ्समा जारी साफ च्याम्पियनसिप फुटबल अन्तर्गत आज (बुधबार) नेपालले बंगलादेशसँग प्रतिस्पर्धा गर्दैछ।राउण्ड रोबिन लिगको अन्तिम खेलमा नेपालले आज मालेस्थित राष्ट्रिय रंगशालामा बंगलादेशको सामना गर्नेछ। नेपाल र बंगलादेशबीचको खेल दिउँसो ४ः४५ बजे सुरु हुनेछ।
बंगलादेशविरुद्धको अजको खेल जितेमा वा बराबरीमात्र गरेमा नेपाल फाइनल प्रवेश गर्नेछ। नेपालले अहिलेसम्म साफ च्याम्पियनसिपको फाइनल यात्रा तय गर्न सकेको छैन।
बंगलादेशविरुद्ध जितकै लागि खेल्ने नेपाली टिमका सहायक प्रशिक्षक किरण श्रेष्ठ बताउँछन्। ‘टिमको तयारीको बारेमा भन्नुपर्दा हामीले सम्पूर्ण तयारी गरिसकेका छौँ र बंगलादेशसँग खेल्न तयार छौँ,’ प्रशिक्षक श्रेष्ठले भने, ’हाम्रो टोलीले उच्च मनोबलका साथ खेल्नेछ र फानल प्रवेशका लागि राम्रो नतिजा निकाल्नेछौ।’
राउण्ड रोबिन लिगको आधारमा जारी प्रतियोगिताको शीर्ष दुई टोलीले फाइनलमा स्थान बनाउने छन् । यस्तोमा नेपाल ३ खेलमा ६ अंक जोडेर शीर्ष स्थानमा रहेको छ। अब नेपाललाई फाइनल पुग्न मात्र एक अंकको आवश्यकता रहेको छ ।
नेपालले सुरुआती दुई खेलमा लगातार जित निकालेको थियो। माल्दिभ्सलाई १–० ले हराएको नेपालले श्रीलंकालाई ३–२ ले हराएको थियो। आइतबार भारतसँग नेपाल १–० ले पराजित भएको थियो।
बंगलादेश पनि नेपाललाई हराएर फाइनल पुग्न चाहन्छ। बंगलादेश ३ खेलमा ४ अंक जोडेर चौंथो स्थानमा रहेको छ।
यस समूहमा माल्दिभ्स ३ खेलमा ६ अंक जोडेर दोस्रो स्थानमा रहेको छ। नेपालसँग पराजित माल्दिभ्स हेड टु हेडमा पछि रहेको हो। भारत ३ खेलमा ५ अंक जोडेर तेस्रो स्थानमा रहेको छ।
बुधबार नै भारतले माल्दिभ्सविरुद्ध प्रतिस्पर्धा गर्नेछ। दुबै टिम जित निकाल्दै फाइनल पुग्न चाहन्छ। फाइनलका लागि माल्दिभ्सलाई बराबरीले पुग्नेछ। भारतलाई भने जितको बिकल्प छैन।
पाँच राष्ट्र सहभागी प्रतियोगिताबाट श्रीलंका भने बाहिरिसकेको छ। श्रीलंकाले ४ खेलमा १ अंक जोडेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1746441886.jpg)
-1746439725.png)
-1734944616.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
