काठमाडौं– चिनियाँ मोबाइल तथा टिभी ब्राण्ड शाओमीले नेपाली बजारमा पहिलो फाइभ–जी फोनको रुपमा ‘शाओमी ११ लाइट एनई ५ जी’ स्मार्टफोन लञ्च गरेको छ। शाओमी ११ सिरिजलाई अझ विस्तार गर्दै कम्पनीले यो फोन नेपाली बजारमा उतारेको हो।
१२ ओटा फाइभजी ब्याण्ड सर्पोट गर्ने ‘शाओमी ११ लाइट एनई ५ जी’ क्वालकम स्न्यापड्रयागन ७७८ जी प्रोसेसर रहेको छ। फोनलाई एनएफसी बिल्ट–इनका साथ लोड गरिएको छ। डोल्बी भिजनका साथ उपलब्ध हुने यो फोन आफ्नो क्षेत्रको पहिलो १०–बिट स्मार्टफोन भएको कम्पनीको दाबी छ।
शाओमी नेपालका कन्ट्री जनरल म्यानेजर सौरभ कोठारीले विगत केही वर्षदेखि विभिन्न श्रेणीमा उत्कृष्ट उत्पादनहरू प्रस्तुत गर्ने आफूहरुको निरन्तरको प्रयासले प्रिमियम सेगमेन्टमा सफलता प्राप्त सफल भएको बताए।
'मी लाइट सार्वजनिक भएसँगै हाम्रा ग्राहकका लागि प्रिमियम डिजाइनमा उत्कृष्ट प्रोडक्ट प्रस्तुत गरेका छौं। साथै फाइभजी भेरियन्टमा स्मार्टफोन भित्र्याउने हाम्रो प्रतिवद्धता पनि पुरा गरेका छौं,’ उनले भने।
कम्पनीले यो फोन तुलनात्मक रुपमा पातलो रहेको दाबी गरेको छ। यसको तौल १५८ ग्राम छ। ६.५५ इञ्चको एफएचडी एमोलेड डटडिस्प्ले रहेको फोनमा स्मुथ एन्टी–ग्लेयर म्याट–फिनिश फ्रोस्टेड ग्लास प्रयोग गरिएको छ ।
कर्भ्ड आर्क डिजाइन युक्त फोनमा साइड माउन्टेड फिंगरप्रिन्ट सेन्सर छ। स्क्रिनको सुरक्षाका लागि फोनमा कोर्निङ गोरिल्ला ग्लास फाइभ प्रयोग गरिएको छ।
फोनमा उपलब्ध क्वालकम स्न्यापड्रयागन ७७८ जी प्रोसेसरले गेम खेल्ने प्रयोगकर्तालाई नयाँ अनुभव प्रदान गर्ने कम्पनीको दाबी छ। स्मार्टफोनमा लिक्विड कुल टेक्नोलोजीको प्रयोग गरिएको छ। जसले गर्दा फोन तात्नै समस्या पनि नहुने दाबी कम्पनीको छ।
कम्पनीले स्मार्टफोनको दीर्घकालिन प्रयोगका लागि तीन वर्षसम्म एन्ड्रोइड अपडेट र ४ वर्षको सुरक्षा अपडेट उपलब्ध गराउने जनाइएको छ। यो फोन डल्बी भिजन नेटफ्लिक्सबाट प्रमाणित छ। जसले प्रयोगकर्तालाई डल्बी भिजन सपोर्ट गर्ने नेटफ्लिक्सका कन्टेन्टको मज्जा लिन मद्दत गर्ने जनाइएको छ।
फोनमा ४२५० एमएएच क्षमताको ब्याट्री छ। जुन ३३ वाटको फास्ट चार्जिङ सिस्टमका साथ २० मिनेटमा ५० प्रतिशत चार्ज हुने जनाइएको छ।
फोनमा ट्रिपल क्यामेरा सेटअप छ। ६४ मेगापिक्सेलको मुख्य क्यामेरा रहेको फोनमा ८ मेगापिक्सेलको अल्ट्रा वाइड र ५ मेगापिक्सेलको टेली–म्याक्रो क्यामेरा रहेको छ। त्यस्तै सेल्फीका लागि फोनमा २० मेगापिक्सेलको फ्रन्ट क्यामेरा रहेको छ।
शाओमी इलेभेन लाइट एनई फाइभजी डायमण्ड ड्याजल, टस्कनी कोरल, ज्याज ब्लू र विनाइल ब्लयाक गरी चार कलर भेरियन्टमा नेपालमा उपलब्ध भएको छ। मूल्यका हिसाबले भने २ वटा भेरियन्टमा फोन उपलब्ध हुने छ। ८ जीबी र्याम र २५६ जीबी रोम भएको फोनको मूल्य ४८ हजार ९ सय ९९ रुपैयाँ तथा ८ जीबी र्याम र १२८ जीबी रोम भएको फोनको मूल्य ४५ हजार ९ सय ९९ रुपैयाँ तोकिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
