काठमाडौं– हुम्लाको कांग्रेस जिल्ला सभापतिमा मोहनविक्रम सिंह निर्वाचित भएका छन्। सिंहलाई सर्वसम्मत सभापति चयन गरिएको हो।
उपसभापतिमा कैलाश भण्डारी र वसन्त रोकाय निर्वाचित भएका छन्। शनिबार भएको अधिवेशनले सचिवद्वयमा विजया बुढा र कृष्णबहादुर बोहरालाई निर्वाचित गरेको छ। पाल्जोर तामाङ र दिलबहादुर शाही सहसचिवमा चयन भएका छन्।
जिल्ला अधिवेशनले संस्थापन पक्षका नेता सिंहको नेतृत्वमा नयाँ कार्यसमिति बनाएको छ। वरिष्ठ नेता रामचन्द्र पौडेल पक्ष भने सिंहलाई सर्वसहमति बनाउने पक्षमा थिएन। उनीहरूले असन्तुष्टि जनाएका छन्।
यसअघि पूर्व रुकुम र मुस्ताङमा नयाँ कार्यसमिति बनेको थियो। पूर्व रुकुमका केशरमान रोका र मुस्ताङमा रोमी गौचन थकाली जिल्ला सभापति बनेका छन्। रोका र थकाली वरिष्ठ नेता पौडेल पक्षका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
