कांग्रेस पालिका अधिवेशन : काभ्रेका १२ पालिकामा सम्पन्न, एकमा बाँकी

महाधिवेशन विशेष

नेपाल लाइभ आइतबार, असोज १०, २०७८ १०:३२

काठमाडौं– नेपाली कांग्रेसको नगर/गाउँपालिका अधिवेशनअन्तर्गत काभ्रेपलञ्चोकका १२ पालिकामा पार्टीको नयाँ चयन गरिएको छ। १३ पालिका रहेको जिल्लामा विवादका कारण महाभारत गाउँपालिकाको निर्वाचन भने हुन सकेन।

पार्टीको १४औं महाधिवेशनअन्तर्गत शनिबार सुरु भएको पालिका अधिवेशनअन्तर्गत बनेपा नगरमा महेशकुमार कर्माचार्य सभापतिमा निर्वाचित भएका छन्। शनिबारै निर्वाचन सम्पन्न भउको धुलिखेल नगर सभापतिमा विदुर बस्नेत विजयी भएका छन्। पाँचखाल नगर सभापतिमा सञ्जय तामाङ र पनौती नगर सभापतिमा रामशरण भण्डारी निर्विरोध निर्वाचित भएका छन्।

मण्डन देउपुर नगर सभापतिमा कश्यप पौडेल र नमोबुद्धमा कुन्साङ लामा निर्वाचित भएका छन्। यस्तै तेमालमा ज्ञानबहादुर लामा, रोशीमा दुधराज लामा, भुम्लुमा दावा लामा र चौँरीदेउराली गाउँपालिका सभापतिमा शेरबहादुर लामा निर्वाचित भएका छन्।

यसैगरी बेथानचोकमा प्रेमबहादुर तिमल्सिना र खानीखोला गाउँपालिकामा दोर्जेमान जिम्मा सभापतिमा निर्विरोध निर्वाचित भएको निर्वाचन समितिले जनाएको छ।

स्थगित भएको महाभारतको निर्वाचन आइतबार गर्ने विषयमा छलफल भइरहेको जिल्ला सचिव दिनेश लामाले जानकारी दिए। जिल्लामा सात तहको निर्विरोध र पाँच तहमा मतदान भएको हो। जिल्लामा १९ हजार १० क्रियाशील सदस्य छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

जेनेभामा स्वास्थ्य मन्त्री पाैडेलले भने- ‘वैदेशिक विकास सहायता कटौतीले नेपालको मातृशिशु स्वास्थ्यमा समस्या’

दुर्गा प्रसाईंलाई थप ४ दिन हिरासतमा राख्न अदालतको अनुमति

पशुपति क्षेत्र विकास कोषभित्र जुवा खेलिरहेका ७ जना पक्राउ