काठमाडौं– लागु औषध चरेससहित सो लुकाउन प्रयोग गरिने सामान तथा बनाउन प्रयोग हुने औजारसहितको कारखानामा प्रहरीले छापा मारेको छ। त्यसक्रममा ३ किलो ५७९ ग्राम लागु औषध चरेससहित प्याकिङका लागि प्रयोग हुने विभिन्न औजार फेला पारेको प्रहरीले जनाएको छ।
त्यसअघि कतार एयरवेजको उडानमार्फत दोहा जान लागेका दुई जनालाई प्रहरीले पक्राउ गरेको थियो। भदौ २१ गते कतार एयरवेजको विमानबाट दोहा जान लागेका म्याग्दी मंगला गाउँपालिका- ३ का वर्ष ३६ का श्याम प्रसाद रोका र सोही स्थानका वर्ष ३५ का वीरबहादुर रोकालाई त्रिभुवन विमानस्थलको प्रस्थान कक्षबाट लागु औषध चरेस ४ केजी ३५ ग्रामसहित पक्राउ गरेको प्रहरीले जनाएको छ।
उक्त लागु औषध चरेस कारोबारमा संलग्न म्याग्दी जिल्ला मंगला गाउँपालिका -३ का वर्ष ४४ का दिल बहादुर रोका, धादिङ जिल्ला गंगा जमुना गाउँपालिका-४ का वर्ष ३३ का अनिल बहादुर घले, सोही स्थानका वर्ष २८ का सुन बहादुर गुरुङ, धादिङ खनियाबास गाउँपालिका-५ का वर्ष २८ का याङ्की भनिने जित बहादुर तामाङ र सोही ठेगानाका वर्ष ३६ का माइला भन्ने कृष्ण बहादुर तामाङ समेतलाई पक्राउ गरी थप अनुसन्धान भइरहेको प्रहरी उपरीक्षक जीवन कुमार श्रेष्ठले जानकारी दिए।
कतार पठाउनका लागि भन्दै उक्त लागु औषध चरेश दिने नुवाकोट बिदुर नगरपालिका-१३ का वर्ष ५२ का सेसे भनिने उर्पा तामाङलाई सामाखुशीबाट पक्राउ गरीएको प्रहरीले जनाएको छ।
उनको कोठामा खानतलासी गर्दा ऊनबाट बनाइएका बिभिन्न रंगको हेन्डीक्राफ्ट २३ थान र नेपाली कागजबाट बनेको बिभिन्न रंगको डायरी १६ थानमा लुकाई छिपाई विदेश पठाउन तयारी अवस्थामा राखिएको लागू औषध चरेश ३ किलो ५७९ ग्राम, लागु औषध चरेशको पाता बनाउनको लागी प्रयोग गरिने औजारहरु, लुकाउन प्रयोग गरिने कार्टून, गम, र्यापिङ टेप तथा हेन्डीक्राफ्ट लगायतका सामानहरु बरामद गरिएको श्रेष्ठले जानकारी दिए।
उक्त लागू औषध चरेस कारोबारमा संलग्न नुवाकोट बिदुर नगरपालिका -९ का वर्ष ३४ का वीर बहादुर तामाङलाई भदौ ३० गते बिदुर नगरपालिका-९ बाट पक्राउ गरी अनुसन्धान भइरहेको प्रहरीले जनाएको छ।
सेसे भनिने उर्पा तामाङ र वीर बहादुर तामाङ मिली भारतीय नागरिक समेतको संलग्नतामा भारत हुँदै हङकङ, थाइल्याण्ड, टर्की लगायतका देशहरुमा लागु औषध चरेस निकासी गर्दैआएको अनुसन्धानबाट खुल्न आएको श्रेष्ठले बताए।
उनीहरुले पछिल्लो समय लागु औषधको धन्दा समेत गर्ने तयारी गरिरहेको पाइएको प्रहरीले जनाएको छ।
उर्पा तामाङ २०५४ सालमा लागु औषध हेरोइनसहित पक्राउ परि १९ वर्ष जेल सजाय भुक्तान गरी २०७३ सालमा रिहा भएका थिए।
जेलबाट मुक्त भए पश्चात् उनी पुनः लागू औषध कारोबारमा नै संलग्न रहेको पाइएको हो। साथै उनले विदेश जाने व्यक्तिहरुका लागि विभिन्न तालिम सम्बन्धि नक्कली प्रमाणपत्रहरु बनाई बिक्री बितरण समेत गर्ने गरेको पाइएको प्रहरीले जनाएको छ।
पक्राउ परेकाहरुविरुद्ध लागु औषध नियन्त्रण ऐन २०३३ अन्तरगत मुद्दा दर्ता गरी म्याद लिई अनुसन्धान भइरहेको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
