काठमाडौं– नेपाली कांग्रेसका सह–महामन्त्री डा. प्रकाशशरण महतले क्रियाशील सदस्यता वितरण विधिसंगत भएको दाबी गरेका छन्।
क्रियाशील सदस्यता वितरणमा संस्थापन पक्षले विधि मिचेको आरोप लागिरहँदा सह–महामन्त्री महतले विवेकपूर्ण तरिकाले सदस्यता बनाएको बताएका छन्।
काठमाडौं महानगरपालिका वडा नं ४ र ५ को वडा अधिवेशनको क्रममा उनले भने,‘४ लाख सदस्य भएकोमा अहिले ८ लाख सदस्य पुगेको छ। क्रियाशील सदस्यता विधिसम्मत र विवेकपूर्ण ढंगले वितरण गरिएको छ। गुनासो र उजुरी सुन्ने छानवीन गर्ने प्रावधान राखिएकोले समय लागेको तर सौहाद्र्र र सहभागितामूलक रुपमा भएको छ।’
तीनै तहको निर्वाचनमा कांग्रेसलाई विजयी बनाउन १४ औं महाधिवेशनको ठूलो भूमिका रहने उनले बताए। आगामी निर्वाचन जित्ने पार्टीको उद्देश्यको सुनाउँदै नेता महतले त्यस अनुरुपको संगठन निर्माणमा क्रियाशील सदस्यको भूमिका रहने बताए। विधानले एकतिहाई महिलाको प्रतिनिधित्व सुनिश्चित गरेको भन्दै महतले खुसी व्यक्त गरे। ‘नेपाली कांग्रेस सविधानको मर्म र भावनाको कार्यान्वयन गर्ने पहिलो पहिलो पार्टी हुँदैछ’ उनले भने।
केन्द्रीय नेतृत्व चयनमा सहमति सर्वोत्तम हुने र नभएमा प्रजातान्त्रिक तरिकाले मतदानबाट निर्णय हुने बताए।
काठमाडौं सहित सात जिल्लाको वडा अधिवेशन आज भइरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
