काठमाडौं- फ्रेन्च मोटर कम्पनी पुजोको नेपालका लागि अधिकारिक विक्रेता साँग्रीला मोटर प्राइभेट लिमिटेडले अर्को उत्पादन सिट्रनको बिक्री प्रारम्भ गरेको छ।
यस अघिपुजोको विक्री साँग्रिला मोटर प्रालिले सन् २०१७ देखि नेपालमा गर्दै आएको थियो। सिट्रन मोटर विगत १०० वर्ष भन्दाबढी समयदेखि उत्पादनमा आई सवारीसाधनको क्षेत्रमा नया इतिहास बनाएको छ।
सिट्रनको स्थापना सन् १९१९ मा भएको थियो र सन् १९३४ सिट्रनले सर्वप्रथम ट्र्याक्सन एभान्ट मोडलको कारबाट मोटर जगतमा सर्वप्रथम फ्रन्ट व्हील ड्राइभ र फोर व्हील इन्डिपेन्डेन्ट सस्पेन्सन जस्तो आधुनिक प्रविधि भित्राएको थियो जुन वर्तमानमा सबै कारमा जडान हुन्छ।
सिट्रनकोे सोरुम अहिले थापाथलीमा राखिएको छ। जुन फ्रेन्च भाषामा घर भनिने ‘ला मेजोँ’कलामा आधारित छ। यो नेपालमा भएका अरु सोरुमको तुलनामा आफ्नै मौलिकता युक्त छ।
सिट्रन सी५ एयरक्रस फ्रान्सबाट आयात गरिएको नेपालको पहिलो सिट्रनएस यू भीहो। सी ५ एयरक्रसलाई १.६ लिटर पेट्रोल इन्जीनले शक्ति प्रदान गर्दछ जसले १६५ एच.पि.को पावर र २४० एन.एमको टर्क प्रदान गर्दछ। सिट्रनको सबभन्दा मुख्य विशेषता यसको आरामदायी सवारी हो।
यसमा जडान गरिएक डिउल प्रोग्रेसिभ सस्पेन्सन कुसिनले सिट्रन सी ५ एयरक्रस चलाउने र यसमा यात्रा गर्नेलाई अत्यन्त आरामदायी अनुभव गराउँछ जसलाई कंपनीले फ्लाइङ्ग कारपेटको संज्ञा दिएको छ।
सीएस ५ एयरक्रसको अग्रीम बूकिङ्ग प्रारंभ भएको छ र हालको मूल्य रु. १ करोड ३५ लाख निर्धारण गरिएको कम्पनीले जनाएको छ। यही कम्पनीको सिट्रन सी ३ गाडी भारतमा तयार भई सन्२०२२को पहिलो चौमासिकमा र फ्रान्समा बनेको सी ४ इभी गाडी सन् २०२२ को मध्यतिर नेपाली बजारमा आउने छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
