काठमाडौं– नेपाली कांग्रेसको महाधिवेशन कार्यतालिका अनुसार विभिन्न सात जिल्लाको वडा अधिवेशन आज (मंगलबार) हुने भएको छ।
आज काठमाडौसँगै मोरङ, सिन्धुपाल्चोक, काभ्रेपलाञ्चोक, बर्दिया, कपिलवस्तु र बाजुराको वडा तहको अधिवेशन हुने भएको हो।
यसअघि क्रियाशील सदस्यता टुंगिन नसक्दा ती जिल्लाको वडा अधिवेशन रोकिएको थियो। संशोधित महाधिवेशन कार्यतालिका अनुसार ती जिल्लाको अधिवेशन आज हुन लागेको हो।
हालसम्म पनि क्रियाशील सदस्यता टुंगिन नसकेका १३ जिल्लाको वडा अधिवेशन भने आज पनि नहुने भएको छ। प्रदेश २ का ८ जिल्लासहित कैलाली, सुर्खेत, डोल्पा, रसुवा र बाँकेको क्रियाशील सदस्यता टुंगिन बाँकी छ।
असोज ९ गतेको लागि तोकिएको गाउँ÷नगर अधिवेशनअघि वडा अधिवेशन सक्नैपर्ने वाध्यता रहेको छ। तर, हालसम्म पनि वडा अधिवेशनको टुंगो नभएकाले महाधिवेशनको कार्यतालिका पुनः प्रभावित हुन सक्नेछ।
सातौंपटक संशोधन गरिएको कार्यातालिका अनुसार प्रदेश क्षेत्रीय अधिवेशन असोज १२ का लागि तोकिएको छ।
एक मात्रै प्रतिनिधि सभा निर्वाचन क्षेत्र रहेका जिल्लाको अधिवेशन असोज १५ र त्यसभन्दा बढी निर्वाचन क्षेत्र रहेका जिल्लाको अधिवेशन असोज १८ गते हुने गरी सारिएको छ। प्रदेश अधिवेशन कात्तिक १०, ११ र १२ गते हुनेछ। केन्द्रीय महाधिवेशन पूर्वनिर्धारित समयअनुसार मङ्सिर ९ देखि १३ सम्म काठमाडौंमा हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786439498.png)
-1786437116.jpg)
-1764146706.png)
-1786184812.png)
