काठमाडौं- स्मार्ट उपकरण ब्राण्ड ओपोले हिन्दू धर्मावलम्बीहरुको चाड बडा दसैंको अवसरमा ‘बडा दसैंको लहर ओपोको अफर’ नामक विशेष उपहार योजनाको घोषणा गरेको छ।
उपहार योजनाअन्तर्गत उपभोक्ताले क्याम्पेन अवधिभर ओपोका स्मार्ट फोनलगायत आईओटी उत्पादनहरु खरिद गरी योजनामा सहभागिता जनाइ विभिन्न आकर्षक उपहारहरु जित्ने अवसर प्राप्त गर्ने जनाएको छ।
‘ग्लोबल कम्पनीका रुपमा ओपोले सधैँ नै स्थानीयकरणमा विश्वास गर्दै आइरहेको छ। नेपाल हाम्रा लागि विशेष प्राथमिकता बोकेको बजार हो। यहाँको संस्कृति, परम्परा र विविधतामा रहेको सादापन वास्तवमै प्रेरणादायी छ। स्थानीय चाड बडा दसैं, आदरणीय उपभोक्तासँग खुसी साट्दै मनाउने सोचका साथ हामीले ‘बडा दसैंको लहर ओपोको अफर’ उपहार योजनाको घोषणा गरेका हौं,’ ओपो नेपालका ब्राण्ड डिरेक्टर पियरसन शेनले भने।
क्याम्पेन अवधिभर कुनै पनि ओपोका उत्पादनको खरिद गरी उपभोक्ताले उपहार योजनामा सहभागिता जनाउन सक्ने उनले बताए। सहभागिताका लागि उपभोक्ताले, ओपोनेपालक्याम्पेन्स डटकममा सीधै लगअन वा क्यूआर कोड स्क्यान गरी क्याम्पेन पेजमा पुगेर त्यहाँ मागिएका जानकारीहरु उपलब्ध गराउनुपर्ने हुन्छ। यसरी सहभागीहरुमध्येबाट हरेक हप्ता लक्की ड्रमार्फत् छनोटमा परेका भाग्यशाली विजेताहरुले ओपो एफ १९ प्रो, ओपो एफ १९, ओपो ब्याण्ड, ओपो डब्ल्यू ५१, ओपो डब्ल्यू ११ लगायत अन्य आकर्षक उपहारहरु जित्न सक्नेछन्। विजेताहरुको घोषणा ओपो नेपालको आधिकारिक सामाजिक सञ्जाल पेजमार्फत् गरिने जनाएको छ।
क्याम्पेन अवधिभर लक्की ड्रमा विजेताका रुपमा छनोटमा नपरेका सहभागीलाई स्वतः अर्को लक्की ड्रका लागि सहभागिताको अवसर प्रदान गरिनेछ। तसर्थ, एकपटक सहभागिता जनाइसकेपछि सहभागीले अन्तिम लक्की ड्रसम्म जित हातपार्ने अवसर प्राप्त गर्ने छन्। सेप्टेम्बर १२ देखि सञ्चालनमा ल्याइएको यस उपहार योजना अक्टोबर १८, २०२१ सम्म चल्ने कम्पनीले जानकारी दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1766648928.png)
