चितवन- नेपाली कांग्रेसका महामन्त्री डा शशांक कोइरालाले आफू सभापतिको उम्मेद्वारीबाट पछि नहट्ने बताएका छन्। शनिबार चितवनमा पत्रकारहरुसँग कुराकानी गर्दै उनले कांग्रेसको १४औँ महाधिवेशनमा आफू सभापतिको उम्मेदवार रहने बताएका हुन्।
महामन्त्री कोइरालाले पार्टीको महाधिवेशनमा संस्थापन इतरको साझा उम्मेद्वार समय आएपछि बन्ने भन्दै आफू सभापतिको उम्मेदवारबाट पछि नहटेको बताए।
उनले जिल्लाहरुमा कांग्रेसको अधिवेशन चलिरहेको समयमा कार्यतालिका संशोधन गर्नु बाध्यता रहेको उल्लेख गर्दै क्रियाशील सदस्यता विवाद अझै २१–२२ जिल्लामा कायमै रहेको र यो विवाद मिलाउनका लागि कार्यतालिका संशोधन गरिएको जानकारी दिए। क्रियाशीलको अन्तिम टुङ्गो छिट्टै लाग्ने उनको भनाइ छ।
एक फरक प्रसंगमा महामन्त्री कोइरालाले कम्युनिष्ट उच्छृङ्खल चरित्रका हुन्छन् भन्ने उदाहारण हिजो संसद्मा भएको घटनाले पुष्टि गरेको बताउए।
विपक्षीको धर्म विरोध गर्ने भए पनि हिजोको घटनाले संसद्को गरिमामाथि आँच आउने काम भएको बताउँदै उनले भने, 'उच्छृङ्खल चरित्रले कम्युनिष्ट पार्टीहरु चलिरहेका छन्।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764508750.jpg)
-1764146706.png)
-1763721444.png)
-1763559424.jpg)
-1764080971.png)
