काठमाडौं– विश्व विद्युतीय गाडी दिवसको उपलक्ष्यमा निसान कम्पनीले नेपाल, भुटान र श्रीलंकाको बजारमा विद्युतीय सवारी साधनको सहज उपलब्ध गराउन र भविष्यमा दिगो वातावरणीय स्थिति कायम राख्न भर्चुअल सेसनको आयोजना गरेको छ।
नेपाल र भुटानमा पर्याप्त जलविद्युतको उपलब्ध भएकोले वातावरणीय एवं आर्थिक पक्षमा दरिलो वातावरण संरक्षणको सम्भावना छ। सोही सम्भावनालाई मध्यनजर गरेर निशानले यस क्षेत्रका अधिकतम् जनताका लागि उपयुक्त सवारी साधन उपलब्ध गराउने, सामाजिक आर्थिक लाभ दिलाउने र दिगो पनि हुने जनाएको छ।
नेपाल सरकारले कार्बन उत्सर्जन कम गर्ने र विद्युतीय सवारी साधनलाई अधिकतम उपयोग गर्ने नीति रहेको छ।
निसानले नेपालका लागि हालै मात्र शून्य प्रदूषणमा आधारित लिफ ईभी निसान कार प्रारम्भिक चरणमा विशेष छुट मूल्य अर्थात ५९ लाख ९९ हजार रुपैयाँमा उपलब्ध गराएको जनाएको छ।
निसान लिफ ईभी विद्युतीय सवारी साधन सन् २०१० मा उत्पादन भएको थियो। निसान लिफ गाडीले समग्रमा २.५ विलियन किलोलिटरको यात्रा तय गरिसकेका छन्, जसले १.२ मिलियन टन कार्वन घटाउन मद्दत पुर्याएको निशानको दाबी छ।
निसान इण्डिया अप्रेसनका अध्यक्ष सिनान ओजकोक भन्छन्, ‘हाम्रो उद्देश्य कमै मात्रामा वातावरणीय असर गर्ने सवारी साधन उपलब्ध गराएर ग्राहकको जीवनस्तर उठाउने रहेको छ। त्यसैको सन्दर्भमा शून्य प्रदूषणमा आधारित निसान लिफ दक्षिण एशियाको बजारमा उधपलन्ध गराउन लागिएको हो। यस क्षेत्रका सरकारहरु पनि क्लिन इनर्जी लक्ष्य प्राप्त गर्न लागि परेका छन्, जसलाई हामीले विगत ७० वर्षदेखि विद्युतीय सवारी साधन उपलब्ध गराएर सहयोग पुर्याई रहेका छौँ।’
उनले थपे, ‘शून्य प्रदुषणयुक्त निसान लिफ ईभी निसानको मौलिक र गुणस्त्तर युक्त सवारी साधन हो। यसमा रहेको शक्तिशाली क्षमताले सवारी साधनको दुनियामा सकारात्मक परिवर्तन ल्याउन मद्दत गर्दछ। यो ७.९ सेकेण्डमा १०० कि. मि प्रतिघण्टाका दरले गुड्न सक्छ भने टप स्पीड १४० कि.मि प्रतिघण्टा छ। यसको सञ्चालन खर्च साह्रै कम छ।’
निसानको साउथ एशिया विजिनेस युनिटका निर्यात प्रमुख रधुनाथ नायर भन्छन्, ‘समुदायमा गतिशीलता प्रदान गर्न निसान लिफ इभी अति उपयोगी छ र हामीले दक्षिण एशियाको बजारमा विशेष रुपमा यसको बजार प्रवद्र्धन गरिरहेका छौं। विश्वका सरकारहरु वातावरण प्रति सचेत रहेका छन् र कार्वन उत्सर्जन विरुद्ध कसरी दिगो प्रयत्न गर्न सकिन्छ भन्नेमा सक्रिय छन्। जसले गर्दा सबै मुलुक हरियालीयुक्त होस् भन्ने धारणा राख्दछन्।’
यसैगरी पायोनियर मोटो कर्प प्रालिका प्रबन्ध निर्देशक सन्दिप कुमार शारदाले भने, ‘प्रारम्भिक मुल्य ५९.९९ लाख कायम गरेका छौं। तथा हामीले हाल बजारबाट अत्याधिक अति राम्रो प्रतिकृया पाएको हुनाले निशान लिफको ग्राहक वर्गमा प्रत्यक्ष अनुभव गराउनको लागि भाद्र २८ गते देखि हाम्रो काठमाडौंस्थित शो–रुमहरुमा साता व्यापी टेष्ट ड्राईभको व्यवस्था गरेका छौं।’
निसान लिफ सवारी विद्युतीय स्टेसनमा चार्ज गर्न सजिलो छ र ग्राहकहरुले विभिन्न ठाउँमा चार्ज गर्ने सुविधा लिन सक्छन्। आफ्नै घरमा रहेको डेडिकेटेट वालमा चार्ज गर्दा १५ देखि १८ घण्टामा पूरा चार्ज हुन्छ भने छिटो चार्ज गर्न आवश्यक पर्दा चार्जिङ्ग स्टेसनमा ४० देखि ६० मिनेटमा फुल चार्ज गर्न सकिने कम्पनीको दाबी छ।
निशान मोटर इण्डिया जापानको निशान मोटर कम्पनीको शतप्रतिशत सहायक कम्पनी हो। यो कम्पनीको स्थापना २००५ मा भएको हो। यसको ह्याचव्याक, एमयूभी, एसयूभी र सेडान जस्ता सवारी साधन भारतमा बनाएको छ।
यसले रिनोल्टसँग विश्वव्यापी रुपमा साझेदारी गरेको छ। भारतको चेन्नईनजिक यसको रिसर्ज एण्ड डेभलपमेण्ट सेण्टर रहेको छ। निसान र ड्याट्शन यसका दुई ब्राण्ड हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
