अर्घाखाँची सिमेन्टले पायो ४३ ग्रेडको इजाजत, आईपीओ जारी गर्ने तयारी

कर्पोरेट

नेपाल लाइभ आइतबार, भदौ २०, २०७८ १७:१७

काठमाडौं- अर्घाखाँची सिमेन्ट लिमिटेडले उत्पादन गरिरहेको अर्घाखाँची ओपीसी सिमेन्टले ४३ ग्रेड सिमेन्टको इजाजत प्राप्त गरेको छ। नेपाल गुणस्तर तथा नापतौल विभागले एनएचएस-५७२ प्रमाणीकरण गरी कम्पनीलाई आज ४३ ग्रेडको प्रमाणपत्र हस्तान्तरण गरेको हो।

आफ्नो उत्पादनको गुणस्तर नेपाल सरकारद्धारा औपचारिक रुपमा नै प्रमाणित भएको भन्दै कम्पनीले गुणस्तरीय सिमेन्टको उत्पादन र बिक्री वितरणलाई सँधै प्राथमिकतामा राख्ने जनाएको छ।

'हालसम्म ३३ ग्रेड र सोसरहको मान्यता पाइरहेको हाम्रो उत्पादनलाई ४३ ग्रेडको प्रमाणीकरणले आमउपभोक्तालाई अर्घाखाँचीका उत्पादनहरुको प्रयोग गर्न थप निश्चिन्त बनाउनेछ,' कम्पनीका महाप्रबन्धक उद्धव कार्कीले बताए।

गुणस्तर तथा नापतौल विभागले सिमेन्टमा उच्च गुणस्तरको सुनिश्चितता गर्ने उद्देश्यले यस वर्षदेखि एनएचएस-५७२ को अवधारणासहित ग्रेडिङ प्रणालीलाई अघि सारेको हो।

क्लिंकर, ओपीसी र पीपीसी सिमेन्टको उत्पादन गरिरहेको अर्घाखाँची सिमेन्ट नेपालकै सबैभन्दा ठूलो कम्पनीमध्येको एक हो। गत आर्थिक वर्ष पब्लिक लिमिटेडमा परिणत भएसँगै यस कम्पनीले आईपीओमा जाने तयारी सुरु गरिसकेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अधिवक्ता त्रिपाठीमाथि हातपातको घटनामा संलग्न व्यक्त पार्टीको सदस्य भेटिए रास्वपाले कारबाही गर्ने

स्वर्णलक्ष्मी सहकारी प्रकरण: काठमाडौं अदालतले पनि दियो रवि लामिछानेलाई धरौटीमा रिहा गर्ने आदेश

रविको विपक्षमा बहस गर्ने कानुन व्यवसायीमाथि आक्रमणको प्रयास, प्रहरीले जोगायो अधिवक्ता त्रिपाठीलाई