काठमाडौं- अग्नि ग्रुपले बागमती प्रदेशअन्तर्गत चितवनको मिलनचोकमा आफ्नो डिलर नेटवर्क बतास ब्रदर्स प्रालिको नयाँ शाखामा महिन्द्रा ट्र्याक्टरको बिक्री, सेवा र स्पेयर पार्ट्सयुक्त शोरूम सञ्चालनमा ल्याएको छ। अग्नि ग्रुप नेपालका लागि महिन्द्रा युटिलिटी सवारीसाधन र ट्र्याक्टरको एकमात्र अधिकृत वितरक हो।
महिन्द्रा ट्र्याक्टरका विभिन्न मोडलहरूसहितका बिक्री, सेवा र स्पेयर पार्ट्सयुक्त यो नयाँ बिक्री केन्द्रको ग्रुपका कार्यकारी निर्देशक अर्जुनप्रसाद शर्मा, महिन्द्रा एण्ड महिन्द्रा नेपालका कन्ट्री म्यानेजर आशिष जोशी, जिसस चितवनका सभापति कृष्णकुमार डल्लाकोटी र बतास ब्रदर्सका प्रबन्ध निर्देशक शान्ताराज बतासले शुक्रबार संयुक्तरूपमा उदघाटन गरेका हुन्।
उद्घाटन समारोहमा बोल्दै ग्रुपका कार्यकारी निर्देशक शर्माले भने, 'हामी ग्राहकहरूको आवश्यकताअनुसार महिन्द्रा ट्र्याक्टर उत्पादनको एक विस्तृत श्रृंखला उपलब्ध गराउन र सबै महिन्द्रा बिक्री केन्द्रहरूमा अधिकतम ग्राहक सन्तुष्टि प्राप्तिका लगातार गुणस्तरीय सेवा प्रदान गर्नमा अधिक केन्द्रित रहँदै आएका छौं। हाम्रा विभिन्न मोडलका कृषि ट्र्याक्टरसँगै कृषि औजारहरूले निश्चित रूपमा खेतीको आवश्यकतालाई पूरा गर्नेछ।'
बतास ब्रदर्सका प्रबन्ध निर्देशक सान्तराज बतासले नयाँ महिन्द्रा ट्र्याक्टर शोरूमले महिन्द्राका २१५ डीआई युवराज, जीभो २४५ डीआई फोरडब्लूडी, नोभो अर्जुन ६०५ डीआई फोरडब्लूडी, ५७५ डीआई पीएस डीसी युभोजस्ता ट्राक्टरहरूका ग्राहकलाई बिक्री, गुणस्तरीय सक्कली स्पेयर पार्टस् तथा सेवा प्रदान गर्ने बताए। 'चितवनको यो राम्रोसँग सुसज्जित बिक्री केन्द्रले अन्तर्राष्ट्रिय स्तरको सेवासहितको कम्पनीसम्म ग्राहकहरूको पहुँच बनाइ अधिक सुविधाजनक र किफायती तुल्याइ लाभ प्रदान गर्नेमा हामी विश्वस्त छौं,' उनले भने।
उद्घाटनका अवसरमा कम्पनीले ट्र्याक्टर खरिद गर्ने ग्राहकहरूका लागि एलईडी स्मार्ट टीभी वा रोटाभेटरमा ५० प्रतिशत छुटबीचको विकल्प, छ वर्ष वारेन्टी अवधि, पाँच लाखको व्यक्तिगत दुर्घटना बिमाका साथै पाँच जना भाग्यशाली ग्राहकहरूका लागि पाँच केभीए पावरोल डिजल जेनरेटरको बम्पर उपहार समावेश गरेको कम्पनीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1777595787.png)
