काठमाडौं- फुटबल अनुभव र लगानीले मात्रै होइन एक टोलीको बलियो रणनीतिले खेल्ने गरिन्छ। पछिल्लो एक दशकमा रियलले पनि यही रणनीतिलाई अवलम्बन गरेको छ।
करिब एक दशकमा रियलले धेरै युवा खेलाडीलाई मौका दिएको छ भने उत्कृष्ट बनाएर विश्वसामू चिनाइरहेको छ। त्यसैलाई जिरन्तरता दिँदै रियलले फ्रेन्च क्लब रेन्नेसका युवा मिडफिल्डर एडुआर्डो कामाभिंगालाई ६ वर्षको लागि अनुबन्ध गरेको छ।
रियलले उनलाई अनुबन्ध गर्न ३० मिलियन युरोको हाराहारीमा खर्च छ। कामाभिंगाले फ्रान्सको सिनियर टोलीबाट पनि खेलिसकेका छन्। सन् २०२७ सम्मका लागि अनुबन्धित उनले रियलको सिनियर टोलीबाट नै खेल्ने बताइएको छ।
प्रशिक्षक कार्लो एन्सेलोटिले उनलाई आफ्नो योजनामा राख्ने बुझिएको छ। १८ वर्षीय कामाभिंगाले फ्रान्सको शीर्ष लिगमा ७० खेल खेलिसकेका छन्।
रियलले यो सिजन पनि आफ्नो प्राथमिकतामा युवा प्रतिभाहरुलाई मौका दिने रणनीति बनाएको छ, चाहे त्यसका लागि दोब्बर रकम नै खर्च किन गर्न नपरोस्।
किलियन एम्बाप्पे पनि यही रणनीतिको एक हिस्सा हुन्। रियलले सन् २०१७ मै उनलाई भित्र्याउने प्रयास गरेको थियो। तर, उनले पीएसजीमै खुशी रहेको भन्दै रियलको प्रस्ताव अस्वीकार गरिदिए।
तर, करिब ४ वर्षपछि उनी रियल आउन इच्छुक देखिएका छन्। रियलबाट खेल्ने आफ्नो सपना रहेको बताउँदै उनी पीएसजीसँग सम्झौता नवीकरण गर्न मानिरहेका छैनन्। यता, रियलले एम्बाप्पेका लागि ‘डेडलाइन डे’को अन्तिम समयमा पीएसजीको माग अनुसार २२० मिलियन युरोको अफर गरेको थियो। तर, पीएसजीले सो अफर अस्वीकार गरेको थियो।
रियलले यसअघि दुई पटक १६० र १७० मिलियन युरोको अफर पनि नगरेको होइन। यसअघिको अफरलाई अस्वीकार गरेकोमा एम्बाप्पे पीएसजीसँग असन्तुष्ट रहेका छन्।
एमबाप्पे रियल गए करिम बेन्जेउसँग भेट हुनेछ। यस्तै पउल पोग्बालाई पनि रियल अनुबन्ध गर्न चाहेको छ। यी तीन खेलाडी फ्रान्सको लागि उत्कृष्ट लयमा खेल्दै आएका छन्। र, तीनै जनाले रियलको सेतो जर्सीमा खेल्ने सपना बुनेको पनि बताइन्छ।
युवा खेलाडी, तर असफल रणनीति
रियलले लगभग एक दशक अगाडि नै युवा खेलाडीलाई मौका दिने रणनीति बनाएको थियो। सोही अनुसार २०१३ मा कासेमिरो र २०१५ मा मार्को एसेन्सिओलाई भित्र्याएको थियो। त्यतिखेर कासेमिरोको उमेर २१ थियो भने एसेन्सिओको १८।
कासेमिरो आफ्नो समयमा दुनियाँमा सबैभन्दा राम्रो खेलाडीहरु मध्ये एक भएर निस्किए। त्यसको परिणामस्वरुप उनलाई रियलले २०२५ सम्म क्लबमा राख्ने भएको छ।
यस्तै, ३५ मिलियन युरोमा मिडफिल्डर मार्टिन ओडेगार्डलाई पनि रियलले २०१५ मा भित्र्याएको थियो। त्यतिखेर उनको उमेर १६ वर्षको थियो।
जबकि ओडेगार्डलाई रियलले राख्न सकेन। उनलाई इङ्लिस क्लब आर्सनलले ४० मिलियन युरोमा यसै सिजनका लागि अनुबन्ध गर्यो।
प्रतिभावान युवा खेलाडी ओडेगार्डले रियालमा रहँदा रियल सोसिडाड, भिट्सेलगायत क्लबमा लोनमा खेलेका थिए। गत जनवरीमा इङ्लिस प्रिमियर लिग साइड आएका ओडेगार्डले आर्सनलका लागि १४ खेलमा १ गोल गरेका थिए।
यता, फेडेरिको भाल्भर्डे फिफा नियमहरुको कारण पेनारोलबाट रियल जान दुई वर्ष पर्खनु परेको थियो। यद्यपि, उनी २०१६ मा रियल आए र १ सय ४ खेल खेलिसकेका छन्।
उत्कृष्ट लयमा रहेका भाल्भर्डेले अब पछाडि फर्केर हेर्न पर्ने छैन। उनीसँग रियलले थप ६ वर्षका लागि सम्झौता नवीकरण गरेको छ। नयाँ सम्झौताअनुसार २३ वर्षीय मिडफिल्डर भाल्भर्डे सन् २०२७ सम्म रियलमा रहनेछन्।
यता, क्रिष्टियानो रोनाल्डोको बिडो थाम्ने खेलाडीको रुपमा हेरिएको ब्राजिलियन भिन्सियस जुनियरलाई पनि रियलले प्राथमिकतामा राखेको छ। उनी तीन वर्ष अगाडि रियल आउँदा भर्खर १६ वर्षका थिए। उनलाई त्यतिखेर लगभग ४५ मिलियन युरोमा भित्र्याइएको थियो।
यता, ब्राजिलका रोड्रिगो गोस पनि १७ वर्षको उमेरमा रियल आएका थिए। उनलाई पनि ४५ मिलियन युरोमा भित्र्याइएको थियो। अहिले रियलको टिममा भिन्सियसले आफ्नो स्थान बनाइसकेका छन् भने गोस संघर्षरत छन्।
रियलले जापनिज मेस्सीको उपनाम पाएको टेकफुसा कुबोलाई पनि भित्र्याएको थियो। तर, उनलाई रियलले राख्न सकेन। उनी अहिले लोनमा रियल मल्लोबाट खेलिरहेका छन्।
इङ्लिस प्रिमियर क्लब म्यानचेस्टर सिटीका युवा खेलाडी ब्राहिम डियाजलाई पनि रियलले १९ वर्षेको उमेरमा अनुबन्ध गरेको थियो।
स्पेनिस युवा मिडफिल्डर डियाजलाई दुई वर्ष अगाडि १५ मिलियन पाउण्डमा अनुबन्ध गरिएकोथियो। उनी डियाज सन् २०२५ सम्म रियलमा रहनेछन्।
स्पेनिस यू २१ टिमका सदस्य डियाज सन् २०१३ मा १४ वर्षको उमेरमा स्पेनिस क्लब मालागाबाट सिटी गएका थिए। उनले सिटीका लागि १५ खेल खेलेका थिए।
तर, उनलाई लोनमा रियल इटालियन क्लब एसी मिलान पठाएको छ। अघिल्लो सिजन लोनमै मिलान पुगेका डियाजले पुनः दुई सिजन मिलानबाटै लोनमा खेल्ने भएका छन्।
यो सम्झौताले तीनै पक्ष रियल, मिलान र डियाजलाई फाइदा भएको छ। रियलले आफ्नो खेलाडी गुमाउने छैनन्। मिलानले थोरै मूल्यमा विश्वासिलो र प्रतिभावान् खेलाडी पाएको छ।
२१ वर्षीय स्पेनिस ब्राहिमको बजार मूल्य १७ मिलियन रहेको छ। त्यसमध्ये ४ मिलियन रियलले पाउनेछ। रियलले आफ्नो खेलाडीलाई प्रदर्शनको आधारमा यो दुई वर्षको अवधि या त्यसपछि टोलीमा फिर्ता ल्याउन सक्ने विकल्प छ। जसरी मार्टिन ओडेगार्डलाई फिर्ता ल्याइएको छ ।
डियाजले गत सिजन मिलानमा ३७ खेलमा ७ गोल गरेका थिए। डियाज २०१९ मा सिटीबाट रियल पुगेका थिए। रियलमा पहिलो रोजाईमा पर्न असम्भव भएपछि उनले लगातार खेल्नको लागि अरु विकल्प रोजेका थिए।
यतिका धेरै खेलाडी भित्र्याए पनि तीन/चार जनाबाहेक रियलले अरुलाई क्लबमा राख्न सकेनको छैन। भएका थियो हर्नान्डेज, डानी सेबालोस र लुकास सिल्भा टिमा रहेपनि स्थान बनाउन सकेका छैनन्।
कामाभिंगा भर्खरै आउने युवा खेलाडी हुन्। उनी कार्लोको योजनामा पर्छन् कि पर्दैन अहिल्यै अड्कल लगाउन गाह्रो पर्छ। तर, यति भन्न सकिन्छ, रियलले एक दशक अगाडि युवा खेलाडीलाई मौका दिएर क्लबलाई सफल बनाउने योजना अगाडि सारेपनि त्यो सफल हुन सकेको छैन।
आर्थिक कारणका साथै खेलाडीको प्रदर्शनमा आउने उतारचढाव र बलियो रणनीति बनाउन नसक्दा उसले करिब आधा दर्जन प्रतिभावान खेलाडी गुमाएको छ। यसैलाई सच्याउन रियलले यो सिजन पनि कामाभिंगालाई मौका दिएको छ र एम्बाप्पेलाई पनि मौका दिने प्रयास गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788878240.jpeg)
-1786602170.png)
