५० करोड लागतमा अमेरिकी आरसी कोलाको नेपालमै उत्पादन

कर्पोरेट

नेपाल लाइभ सोमबार, भदौ ७, २०७८ १९:०४

काठमाडौं- सन् १९०५ देखि उत्पादन सुरु गरिएको अमेरिकी मौलिक सफ्ट पेय पदार्थ 'आरसी कोला'को ५० करोड लागतमा नेपालमै उत्पादन सुरु गरिएको छ। नेपालमा भेन्चुरा बोटलर्स प्रालिले उत्पादन सुरु गरेको हो।

प्रोडक्ट लन्च कार्यक्रम गरि घोषणा गरिएका उत्पादनमा आरसी कोला, माइट्टी रेन, आरसी क्यू लेमन लाइम, आरसी क्यू अरेञ्ज, जियर अप, जी पावर, कार्बोनेटेड वाटर र वाटर रहेको भेन्चुरा बोटलर्स प्रालिका निर्देशक सुवास आचार्यले जानकारी दिए।

आरसी, अन्तर्राष्ट्रिय तवरमा मान्यता प्राप्त उत्कृष्ट कार्बोनेटेड सफ्ट पेय पदार्थ भएको आचार्य बताउँछन्। यसको आवश्यक कच्चा पदार्थ अमेरिकाको जर्जिया प्रान्तको कोलम्बसबाट आयात गरि मकवानपुरमा उत्पादन गरिएको आचार्यले बताए।

आरसीका उत्पादनहरु अमेरिकाको खाद्य तथा औषधी प्रशासन (एफडीए), युरोपियन खाद्य सुरक्षा निकाय (इएफएसए)का साथै एशिया र अफ्रिकाका विभिन्न खाद्य सुरक्षासँग सम्बन्धित निकायहरुबाट अनुमोदन तथा नियमन समेत हुँदै आएको भेन्चुरा बोटलर्स प्रालिका सीईओ कबिन अर्यालले बताए।

उपभोक्ता सन्तुष्टि र उत्पादनको गुणस्तरमा सम्झौता नहुने अर्याल बताउँछन्। 'यस पेय पदर्थको नेपालका लागि उत्पादन तथा वितरण गर्ने घोषणा गर्न पाउँदा हामी हर्षित छौँ' अर्याल थप्छन् 'आरसी कोलालाई विश्वव्यापी उपभोक्ताको ११६ वर्ष सम्म स्नेह रहेको छ र यो अझै पनि अटुट छ।'

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नाइजेरियामा सडक दुर्घटनामा कम्तीमा ३२ जनाको मृत्यु

सांसद चौधरीविरुद्धको रिट खारेज

६० लाख धरौटी बुझाएर रिहा भएपछि रविले भने- यो देशमा न्याय मरेको छैन