काठमाडौं- ईओएल प्रालिले केन्ट सुप्रिम एक्स्ट्रा मिनरल आरओ वाटर प्युरिफायर बजारमा ल्याएको छ। नेपालमा केन्ट उत्पादनहरूका लागि एक मात्र आधिकारिक वितरक ईओएल प्रालि सीजी इलेक्ट्रोनिक्सअन्तर्गतको कम्पनी हो।
नयाँ वाटर प्युरिफायरको मूल्य ३३ हजार ९९० रुपैयाँ रहेको कम्पनीले जानकारी दिएको छ। नेपालभरका सबै प्रमुख रिटेल आउटलेटहरूमा आरओ वाटर प्युरिफायर उपलब्ध छन्।
'यो प्युरिफायर प्रिमियम र एक्स्ट्रा सुविधाहरू भएकोले १०० प्रतिशत शुद्ध र अल्कलाइनसहितको पिउने पानी प्रदान गर्दछ जसमा पीएचको स्तर ८.५ देखि ९.५ को बीचमा सुनिश्चित हुने गर्दछ र यसले परिवार र प्रियजनहरु स्वास्थ्यको ख्याल राख्दछ,' कम्पनीद्वारा जारी विज्ञप्तिमा उल्लेख छ, 'यस प्युरिफायरले आरओ + यूभी + यूएफ + टीडीएस नियन्त्रणको बहुशुद्धीकरण प्रक्रिया प्रयोग गर्दछ र यूभी डिस्इन्फेक्सनसन टेक्नोलोजीले शुद्ध पानीलाई भण्डारण ट्याङ्कीमा लामो समयसम्म शुद्ध राख्दछ।'
केन्ट सुप्रिम एक्स्ट्रा पूर्णरूपले स्वचालित अपरेसन हुने, भण्डारण ट्याङ्की भरिएपछि बन्द हुने र शुद्धीकरण प्रक्रिया भण्डारण ट्याङ्कीमा पानी अधिकतम तहभन्दा तल खसेपछि हुने कम्पनीले जानकारी दिएको छ। यसमा एक वर्षको सेवा वारेन्टी उपलब्ध रहेको जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775612045.png)
-1764146706.png)
-1775575666.png)
