'ग्लोकल टिन हिरो नेपाल'का अन्तिम ६ प्रतिस्पर्धीको नाम घोषणा

कर्पोरेट

नेपाल लाइभ शनिबार, भदौ ५, २०७८ २१:१०

काठमाडौं- वाई वाई ग्लोकल टिन हिरो २०२१ का अन्तिम ६ प्रतिस्पर्धीको नाम घोषणा भएको छ। देशभरबाट आएका ६११ आवेदकमध्ये अन्तिम ६ प्रतिस्पर्धीको नाम आज घोषणा गरिएको हो।

किशोरकिशोरीहरुमा भएको प्रेरणा र उत्साहलाई प्रस्फुटन गरी उनीहरुले समाजमा गरेको प्रभावकारी कार्यलाई कदर र अरु माझ चिनाउने कार्यक्रम ‘वाई वाई ग्लोकल टिन हिरो नेपालको यो सातौं संस्करण हो। यस वर्ष सेप्टेम्बर १, २०२१ मा अनलाइन अवार्ड कार्यक्रम र सम्मेलनमार्फत् ग्लोकल टिन हिरो नेपाल विजेताको नाम घोषणा गरिने आयोजकले जानकारी दिएको छ।

किशोरकिशोरीहरु समाजसेवा, बालअधिकार, खेलकुद, कृषि, मिडिया, पत्रकारिता, विज्ञान, प्रविधि र उद्यमशीलता, वातावरण संरक्षणजस्ता विविध क्षेत्रमा काम गरेर सकारात्मक सन्देश प्रवाह गरिरहेका छन्। समाजमा रहेका असाधारण युवाहरुको पहिचान र सम्मान गर्नु नै यस कार्यक्रमको उद्देश्य रहेको बताइएको छ।

अन्तिम ६ मा छनोट भएका प्रतिस्पर्धीहरुमा अनुराग चापागाईं, दीपक सुतिहार, खुस्बु भण्डारी, नेहा गुरुङ, प्रन्जल चालिसे र सभ्या राई रहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नाइजेरियामा सडक दुर्घटनामा कम्तीमा ३२ जनाको मृत्यु

सांसद चौधरीविरुद्धको रिट खारेज

६० लाख धरौटी बुझाएर रिहा भएपछि रविले भने- यो देशमा न्याय मरेको छैन