काठमाडौं- शुक्रबार राजीनामा दिएका २२ मध्ये तीन जना आमन्त्रित केन्द्रीय सदस्य मात्रै कांग्रेसको जारी केन्द्रीय समिति बैठकमा सहभागी भएका छ्न्।
बैठकमा कुमार खड्का, बालकृष्ण पाण्डेय र शम्भुलाल श्रेष्ठ शनिबारको बैठकमा सहभागी भएका छन्। अरु १९ जनाले भने बैठक बहिष्कार गरेका छन्। 'राजीनामा स्वीकृत नभए पनि हाम्रो माग पूरा नहुँदासम्म बैठकमा सहभागी नहुने निर्णयअनुसार उपस्थित नभएका हौं,' आमन्त्रित केन्द्रीय सदस्य किरण पौडेलले जानकारी दिए।
राजीनामा दिएकाहरुको बैठक बिहान महाराजगञ्जमा बसेको थियो। अखण्ड पार्टी समायोजित हुने क्रममा भएका समस्याबारे जानकारी दिनका लागि खड्का उपस्थित भएको पौडेलले जानकारी दिए। पाण्डेयले जनसम्पर्क समितिको भारतको गतिविधिबारे धारणा राख्न उपस्थित भएको बताइएको छ। साथै, जिल्लामा भएको समायोजनको समस्याबारे धारणा राख्न श्रेष्ठ उपस्थित भएको बताइएको छ।
आमन्त्रित केन्द्रीय सदस्यले उठाएका माग सम्बोधन नभएसम्म बैठकमा सहभागी नहुने पौडेलले जानकारी दिए। उनले आजको केन्द्रीय समिति बैठक बहिष्कार गरिएको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779537548.jpg)
-1764146706.png)
