काठमाडौं- स्वास्थ्य राज्यमन्त्री उमेश श्रेष्ठले अब विद्यालय र निजी क्षेत्रमा सञ्चालन गर्न खोप अभियान चलाउने सरकारको तयारी रहेको बताएका छन्।
बिहीबार प्रतिनिधि सभाको विशेष समयमा बोल्दै राज्यमन्त्री श्रेष्ठले विद्यालय र निजी क्षेत्रलाई प्राथमिकतामा राखेर खोप अभियान सञ्चालन गरिने जानकारी दिएका हुन्। किशोर, किशोरीलाई लक्षित गरि भाइजर र मोर्डना खोप ल्याउने तयारी भइरहेको उनले जानकारी दिए।
‘फेरि कोभिडको संक्रमण बढेको छ’ उनले भने ‘अहिलेको दर २५ प्रतिशत हराहारी रहेको छ। म सबैलाई जनस्वास्थ्यको मापदण्ड पालना गर्न आग्रह गर्छु।’ कोभिडका कारण १० हजार १ सय ८० जनाको अमूल्य ज्यान गएको भन्दै उनले नि:शुल्क खोप अभियान चलाइएको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
