काठमाडौं- अफगानी राजदूतकी छोरी अपहरणको घटनाबारे छानबिन गर्न एक टोली पाकिस्तान पुगेको छ।
पाकिस्तानका लागि अफगानी राजदूत नजीबुल्लाह अलिखिलकी छोरी सिलसिला अलिखिललाई गत महिना अपहरण गरेर घण्टौंसम्म घोर याताना दिइएको थियो।
घटना सार्वजनिक भएसँगै अगानिस्तानले यसको सत्यतथ्य छानबिन नभएको भन्दै असन्तुष्टि जनाउँदै आएको थियो। सोही घटनाबारे अनुसन्धान गर्न एक टोली पाकिस्तान आइपुगेको आन्तरिक मन्त्री शेख रशीदले जानकारी दिएका हुन्।
इस्लामाबादमा एक पत्रकार सम्मेलनमा उनले भने, ‘अफगानिस्तानको टोली यस विषयमा छानबिन गर्न आइपुगेको छ। मैले प्रहरीलाई आफ्नो अनुसन्धानको रिपोर्ट र सत्यतथ्य अफगान अनुसन्धान समितिलाई बुझाउन निर्देशन दिएको छु।’
उनले थपे, ‘मैले प्रहरीलाई सबै फुटेज दिन र चार ट्याक्सी ड्राइभरसहित ११ जनासँग भेट्नु दिनु भनेको छु। यदि उनीहरु चाहन्छन् भने सोधपुछ पनि गर्न सक्छन्।’
उनका अनुसार पाकिस्तानी प्रहरीले अनुसन्धान पूरा गरिसकेको छ र अफगानिस्तानको टोलीबाट उठने कुनै पनि प्रश्नको जवाफ दिन तयार छन्।
‘उनीहरुले स्वतन्त्र रुपमा अनुसन्धान गर्न सक्छन्। पाकिस्तान एक स्वतन्त्र देश हो। उनीहरु विदेश मन्त्रालयको सम्पर्कमा छन्,’ उनले भने।
यद्यपि, भारत र अफगानिस्तानले मन्त्री रशिदको भनाइप्रति आपत्ति जनाएको छ। उनी शुरुदेखि नै अफगानिस्तानका राजदूतकी छोरीमाथि भएको घटनाबारे शंका गर्दै आएका छन्।
मन्त्री रशीदले अफगानिस्तानका राजदूतकी छोरीको इस्लामाबादबाट अपहरण नभएको र घटनामा भारतको संलग्नता रहेको दाबी गरिरहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789792206.jpg)
-1786602170.png)
