काठमाडौं- पूर्वसभामुख कृष्णबहादुर महराले उच्च अदालत पाटनबाट पनि सफाइ पाएका छन्। जबर्जस्ती करणी उद्योग मुद्दामा उनले मंगलबार उच्च अदालतबाट सफाइ पाएका हुन्।
अदालतका रजिष्ट्रार गजेन्द्रबहादुर सिंहका अनुसार महराविरुद्धको मुद्दाको सुनुवाइपछि उच्च अदालतले काठमाडौं जिल्ला अदालतको फैसला सदर गरेको छ।
न्यायाधीशद्वय माधवप्रसाद पोखरेल र विमल सुवेदीको इजलासले काठमाडौं जिल्ला अदालतकै फैसला सदर गर्ने फैसला गरेको सिंहले जानकारी दिए। उनले भने, 'जिल्ला अदालतकै फैसला सदर गर्ने फैसला भएको छ।'
महरा सभामुख भएकाले बेला संसद् सचिवालयमा काम गर्ने एक कर्मचारीलाई जबर्जस्ती करणी उद्योगको आरोप लागेको थियो।
२०७६ असोज १४ गते उनले सभामुखबाट राजीनामा दिएका थिए। असोज १९ गते उनलाई पक्राउ गरेर ५ महिना पुर्पक्षका लागि थुनामा राखिएको थियो। २०७६ फागुन ५ गते काठमाडौं जिल्ला अदालतले उनलाई सफाइ दिएको थियो। जिल्ला अदालतले सफाइ दिएपछि सरकार उच्च अदालत पाटन पुगेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1782224905-1782225890.jpeg)
