काठमाडौं- नेकपा माओवादी केन्द्रको स्थायी समिति बैठक सुरु भएको छ।
मंगलबार पार्टी केन्द्रीय कार्यालय पेरिसडाँडामा बैठक सुरु भएको हो।
सरकारमा सहभागी हुने मन्त्रीका विषयमा स्थायी समिति बैठकमा छलफल हुने एक नेताले बताए। सरकारमा जाने मन्त्रीको विषयमा मापदण्ड बनाएर स्थायी समितिले पारित गर्ने भएको छ। माओवादीले शेरबहादुर देउवा सरकारमा ७ मन्त्रालयको भागवण्डा पाउने बताइएको छ।
यसअघि अर्थ मन्त्रीमा जनार्दन शर्मा र उर्जा मन्त्रीमा पम्फा भुसालले जिम्मेवारी सम्हालिसकेका छन्। अब माओवादीबाट ५ जना मन्त्री हुने छन्। केही दिन अघि एक कार्यक्रममा माओवादीका अध्यक्ष पुष्पकमल दाहाल प्रचण्डले ४९ जना सांसदलाई नै मन्त्री चाहिएपछि आफू तनावमा परेको बताएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1782224905-1782225890.jpeg)
