डडेल्धुरा- डडेल्धुरामा अवैध रुपमा राखिएका तीन थान भरुवा बन्दुकसहित पक्राउ परेका चार जनालाई प्रहरीले सार्वजनिक गरेको छ। बिहीबार जिल्ला प्रहरी कार्यालय डडेल्धुराले पत्रकार सम्मेलन मार्फत उनीहरुलाई सार्वजनिक गरेको हो।
मंगलबार जिल्लाको गन्यापधुरा गाउँपालिका–३ का दुई वटा घरमा लाइसेन्सबिनाका अवैध भरुवा बन्दुक लुकाई राखेको सूचनाका अधारमा दुई घरबाट तीन थान बन्दुक प्रहरीले बरामद गरेको थियो।
अवैध भरुवा बन्दुकसहित पक्राउ पर्नेमा जिल्लाको गन्यापधुरा गाउँपालिका–३ कान्तिपुरका ३५ वर्षीय केशवबहादुर शाही, सोही ठाउँका ५३ वर्षीय शंकरबहादुर शाही, २९ वर्षीय कर्णबहादुर भूल र ३० वर्षीय टेकबहादुर भूल रहेको जिल्ला प्रहरी कार्यालय डडेल्धुराका प्रहरी नायब उपरीक्षक चक्रराज जोशीले जानकारी दिए।
पक्राउ परेका माथि हातहतियार खरखजाना ऐन, २०१९ बमोजिम आवश्यक अनुसन्धान भइरहेको उनले बताए। जोशीले भने, ‘अनुसन्धानका क्रममा अवैध ठहरिएमा र खरखजाना ऐन, २०१९ दफा २० अनुसार तीन वर्षदेखि पाँच वर्षसम्म कैद वा ६० हजारदेखि एक लाखसम्म जरिवाना हुन्छ।’
बन्दुकसहित पक्राउ परेका व्यक्तिहरु अपराधिक समूहका नभएको प्रहरी प्रमुख डिएसपी जोशीको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821304.jpg)
-1786602170.png)
