सवारीमा जोर बिजोर प्रणाली सुरु भए सँगै पठाओ सेवा सुरु

कर्पोरेट

नेपाल लाइभ मंगलबार, असार ८, २०७८ १२:५९

काठमाडौं- कोरोना संक्रमणका कारण भएको निषेधाज्ञामा रोकिएको पठाओको राइड सेयरिङ सेवा सरकारले निजी सवारीमा जोर बिजोर प्रणाली लागू गरेसँगै मंगलबारदेखि पुन: सञ्चालनमा आएको छ।

सरकारले तोकेको स्वास्थ्य सुरक्षाको मापदण्ड अनुसार राइड सञ्चालन गरिने पठाओ नेपालका क्षेत्रीय निर्देशक असिममान सिंह बस्न्यातले बताए। कोभिडको पूर्ण नियन्त्रण नभएको समयमा सकेसम्म घरमै बसेर सावधानी अपनाउन बस्न्यात सुझाउँछन्।

उनी थप्छन् 'अत्यावश्यक काममा निस्कनै पर्दा आफ्नो सवारी नहुने व्यक्तिहरूको लागि पठाओ सुरक्षित विकल्प हुन सक्छ। भिडभाड नहुने र स्वास्थ्य सुरक्षाको मापदण्ड अपनाइने भएकाले यात्राका लागि पठाओ सहज हुन सक्छ।'

नेपालमा सन् २०१८ को सेप्टेम्बरदेखि बाइक राइड सेयरिङ सेवा सुरु गरेको पठाओ नेपालले सन् २०१९ अगस्टदेखि कार लाइट (ट्याक्सी) सेवा सुरु गरेको हो। सन् २०२० सेप्टेम्बरमा पठाओले होटल तथा रेस्टुरेन्टका खाजा तथा खानाका परिकारको होम डेलिभरी सेवा सुरु गरेको थियो।

हालै ग्रोसरी सामान डेलिभरी गर्दै पठाओ नेपालले 'पठाओ बजार' पनि सुरु गरेको जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कन्काई पुल : पाँच पटक ठेक्काको म्याद थप, १३ वर्षमा आधा काम

इजरायल र हमासबीच गाजामा युद्धविराम गर्ने सहमति, बन्धक रिहाइको बाटो खुल्यो

आज कांग्रेसका मन्त्रीहरुसँग छलफल गर्दै सभापति देउवा