काठमाडौं- सुदूरपश्चिम प्रदेश सरकारले आगामी आर्थिक २०७८/७९ को बजेटसँगै ल्याएको आर्थिक ऐन २०७८ मार्फत् सवारीसाधनको वार्षिक कर तय गरेको छ। प्रदेश सरकारले सवारीसाधनको वार्षिक करमा खासै परिर्वतन गरेको छैन।
प्रदेशले कार, जिप, भ्यान तथा माइक्रोबसको सवारीसाधन कर सीसीका आधारमा तय गरेको छ। जसमा एक हजार सीसीसम्मको १९ हजार रुपैयाँ, १००१ सीसीदेखि १५०० सीसीसम्मको हकमा २१ हजार, १५०१ देखि दुई हजारसम्मको २३ हजार, २००१ देखि २५०० सीसीसम्मका सवारीलाई ३२ हजार रुपैयाँ, २५०१ देखि २९०० सीसीसम्मको ३७ हजार र २९०१ देखि माथिको हकमा ५३ हजार रुपैयाँ सवारीसाधन कर तय गरेको छ।
यसैगरी डोजर, एक्साभेटर, लोडर, रोलर, ट्रिपर र क्रेनजस्ता मेसिनरी उपकरणको ३५ हजार रुपैयाँ र मिनीट्रिपरको २५ हजार रुपैयाँ सवारी कर तोकिएको छ। साथै, ट्र्याक्टरको चार हजार, पावर टिलरको एक हजार, मिनिट्रक/मिनिबसको २० हजार र ट्रक/बसको ३० हजार रुपैयाँ वार्षिक कर तोकेको छ।
यसैगरी मोटरसाइकलमा १२५ सीसीसम्मको २५ सय, १२६ देखि १५० सीसीसम्मको हकमा ४५ सय, १५१ देखि २५० सीसीसम्मको हकमा ५५ सय, २५१ देखि ४०० सीसीसम्मको हकमा आठ हजार र ४०१ सीसीभन्दा माथिको हकमा नाै हजार रुपैयाँ वार्षिक कर तय गरेको छ।
सार्वजनिक सवारीसाधनको रुपमा प्रयोग हुने कार, जिप, भ्यान र माइक्रो बसको हकमा १३०० सीसीसम्म आठ हजार रुपैयाँ, १३०१ देखि २००० सीसीसम्म १० हजार, २००१ देखि २९०० सीसीसम्मको हकमा ११ हजार, २९०१ देखि चार हजार सीसीसम्मको हकमा १३ हजार रुपैयाँ र ४००१ सीसीभन्दा माथिको हकमा १५ हजार रुपैयाँ वार्षिक सवारीसाधन कर तय गरिएको छ।
यसैगरी सार्वजनिक सवारीसाधनकै रुपमा प्रयोग हुने डोजर, एक्साभेटर, लोडर, रोलर, ट्रिपर, क्रेन मेसिनरी उपकरणको १५ हजार, ट्र्याक्टरको एक हजार ५००, पावर टेलरको एक हजार, मिनिट्रक/मिनिबसको १० हजार, ट्रक/बसको १६ हजार र मिनिट्रिपरको १२ हजार रुपैयाँ सवारीसाधन कर तोकिएको छ।
सवारीसाधन दर्ता शुल्क
सार्वजनिकतर्फ ठूला सवारीको २५ सय रुपैयाँ र मझौलाको १५ सय रुपैयाँ तोकिएको छ। यसैगरी साना कार/जिप/भ्यान/माइक्रो बस/पिकअप, टेम्पो/पावर टेलरको १४ सय र मोटरसाइकलको ५०० रुपैयाँ तोकिएको छ।
निजीतर्फ ठूला सवारीको १५ सय र मझौलाको एक हजार रुपैयाँ तोकिएको छ। यसैगरी, साना कार/जिप/भ्यान/माइक्रो बस/ पिकअप, टेम्पो/पावर टेलरको ८०० र मोटरसाइकलको ५०० रुपैयाँ तोकिएको छ।
अन्य प्रदेशबाट सरुवा सहमति भइ आएको सवारीको दर्ता परिवर्तन शुल्कतर्फ सार्वजनिकतर्फ ठूलाको दुई हजार र मझौलाको १५ सय रुपैयाँ तोकिएको छ। यसैगरी साना कार/जिप/भ्यान/माइक्रो बस/पिकअप, टेम्पो/पावर टेलरको एक हजार र मोटरसाइकलको ५०० रुपैयाँ तोकिएको छ।
निजी सवारीको सरुवा दर्ता परिवर्तत शुल्कतर्फ ठूलाको दुई हजार र मझौलाको १५ सय रुपैयाँ तोकिएको छ। यसैगरी साना कार/जिप/भ्यान/माइक्रो बस/ पिकअप, टेम्पो/पावर टेलरको एक हजार र मोटरसाइकलको ५०० रुपैयाँ तोकिएको छ।
ब्लु बुक नवीकरण शुल्क
सार्वजनिकतर्फ ठूलाको ८०० र मझौलाको ५०० रुपैयाँ तोकिएको छ। यसैगरी, साना कार/जिप/भ्यान/माइक्रो बस/पिकअप, टेम्पो/पावर टेलरको ४०० र मोटरसाइकलको २०० रुपैयाँ तोकिएको छ।
निजीतर्फ ठूलाको ८०० र मझौलाको ५०० रुपैयाँ तोकिएको छ। यसैगरी साना कार/जिप/भ्यान/माइक्रो बस/ पिकअप, टेम्पो/पावर टेलरको ४०० र मोटरसाइकलको २०० रुपैयाँ तोकिएको छ।
सवारीसाधनको नामसरी
सार्वजनिकतर्फ ठूलाको १५ सय र मझौलाको एक हजार रुपैयाँ तोकिएको छ। यसैगरी साना कार/जिप/भ्यान/माइक्रो बस/पिकअप, टेम्पो/पावर टेलरको ८०० र मोटरसाइकलको ३०० रुपैयाँ तोकिएको छ।
निजीतर्फ ठूलाको एक हजार र मझौलाको ७०० रुपैयाँ तोकिएको छ। यसैगरी साना कार/जिप/भ्यान/माइक्रो बस/पिकअप, टेम्पो/पावर टेलरको ६०० र मोटरसाइकलको ३०० रुपैयाँ तोकिएको छ।
अन्य शीर्षकहरुमा लाग्ने कर
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1772084459.png)
