काठमाडौं– टिभिएस एनटर्क १२५ को विक्री अन्तरराष्ट्रिय बजारमा १ लाख युनिट पुगेको छ । टिभिएस मोटर कम्पनीले बुधबार टिभिएस एनटर्क १२५ ले अन्तर्राष्ट्रिय बजारमा १ लाख युनिट विक्रीको लक्ष्य पार घोषणा गरेको हो।
टिभिएस एनटर्क १२५ भारतमा पहिलो ब्लुटुथ जडान गरिएको स्कुटरको रुपमा सन् २०१८ मा विक्री सुरु गरिएको थियो। टिभिएस एनटर्कको विक्री दक्षिण एसिया, ल्याटिन अमेरिका, मिडल इस्ट र आशियनका १९ देशहरुमा हुँदै आएको छ ।
एनटर्क १२५ ले अन्तर्राष्ट्रिय बजारमा १ लाख विक्रीको लक्ष्य हासिल गरेकोमा अत्यन्तै खुसी लागेको बताउँदै टिभिएस मोटर कम्पनीका निर्देशक एवम् सीईओ केएन राधाकृष्णनले यो स्कुटरले ग्राहकको मन जितेको उल्लेख गरे।
नेपालमा टिभिएस एनटर्क १२५ को पहिलो लन्च न्यासनल अटोमोबाइल डिलर एसोसिएशन(नाडा)अटो शोमा गरिएको थियो । त्यसबेला देखि नै यो स्कुटर नेपाली ग्राहकहरु बीच पहिलो रोजाइ बन्न सफल भयो।
नेपालमा यसको विक्री गर्दै आएको जगदम्बा मोटर्सले एनटर्क रेस एडिसनसमेत सार्वजनिक गरेको छ। रेस एडिसनमा एलईडी डीआरएल र अल–एलईडी हेडल्याम्प रहेको छ
रेस एडिसन म्याट ब्ल्याक, मेटालिक ब्ल्याक र मेटालिक रेड गरीे तीन–टोन रङको संयोजनको साथ उपलब्ध छ।
टिभिएस एनटर्क १२५ रेस एडिसनले ब्लुटुथमार्फत स्मार्टफोन जडानलाई पनि समर्थन गर्दछ ।
रेगुलर एनटर्क १२५ को मूल्य २ लाख १८ हजार ९ सय रुपैयाँ (ड्रम) तथा २ लाख ४५ हजार ९ सय रुपैयाँ पर्दछ । यस्तै एनटर्क १२५ रेस एडिसनको मूल्य २ लाख ६१ हजार ९ सय रुपैयाँ र एफआईलाई २ लाख ७७ हजार ९ सय रुपैयाँ अनि एनटर्क सुपर स्क्वाड एडिसनको मूल्य २ लाख ६६ हजार ९ सय रुपैयाँ रहेको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_Tr387xuecJ-1778130428.jpg)
-1764146706.png)
