विराटनगर– कटुवा पेस्तोल तथा राइफलको गोलीसहित मोरङ प्रहरीले २ जनालाई पक्राउ गरेको छ। मोरङको केरावारी गाउँपालिका-९ देवीझोडाबाट पेस्तोल र राइफलको गोलीसहित प्रहरीले २ जनालाई पक्राउ गरेको हो।
बिषेश सूचनाको आधारमा इलाका प्रहरी कार्यालय बेलवारीबाट खटिएको प्रहरी टोलीले स्थानीय ५१ बर्षीय गणेश लिम्बु र बेलवारी नगरपालिका-२ लालभित्तिका ४१ बर्षीय पदम कुमार लिम्बुलाई मंगलवार अपरान्ह साँढे ५ बजे पक्राउ गरेको हो ।
गणेश लिम्बुको घरबाट १ थान कटुवा पेस्तोल, ३०३ राइफलको गोली ५ थान, गोली लोड गर्ने चाँचर २ थान र पेस्तोलको गोली १ थान बरामद गरिएको जिल्ला प्रहरी कार्यालय मोरङले जानकारी दिएको छ।
गणेश लिम्बुको घरमा पार्किङ गरी राखिएको पदम कुमार लिम्बुको नाममा रहेको को १ च ८३८६ नम्बरको कारबाट धारिलो हतियार खुकुरी १ थान र चक्कु १ थान बरामद भएको पनि प्रहरीले जानकारी दिएको छ।
हातहतियार र गोलीसहित पक्राउ परेका दुवै जनाको सम्बन्धमा थप अनुसन्धान भइरहेको जिल्ला प्रहरी कार्यालय मोरङले जानकारी दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1771592819.png)
