प्रतिकात्मक तस्वीर
सुनसरी– स्रोत नखुलेको १४ लाख २५ हजार रुपैयाँ नगदसहित सुनसरीबाट २ जना पक्राउ परेका छन्। सशस्त्र प्रहरी बलको टोलीले सुनसरीको देवनगंज गाउँपालिका–५ साहेवगंजस्थित बुढिखोलाको पुलबाट २ जनालाई पक्राउ गरेको हो।
शंकाको आधारमा चेकजाँच गर्दा मोटरसाइकलमा रहेका २ जनाबाट १४ लाख २५ हजार रुपैयाँ बरामद भएको सशस्त्र प्रहरी बलले जानकारी दिएको छ।
पक्राउ पर्नेहरुमा सुनसरीको देवनगंज गाउँपालिका–५ साहेवगंज बस्ने २५ वर्षिय विनोद साह र रोशन कुमार साह छन्।
सुनसरीको साहेवगंजबाट विराटनगरतर्फ जाँदै गरेको प्रदेश १–०२ ०४० प ५४९९ नम्बरको मोटरसाईकलमा सवार उनीहरुलाई सशस्त्र प्रहरी बल नेपाल बोर्डर आउट पोस्ट साहेवगंजबाट खटिएको सशस्त्र प्रहरीको टोलीले पक्राउ गरेको हो।
शंकाको आधारमा चेकजाँच गर्दा झोला १४ लाख २५ हजार भेटिएको र स्रोत खुलाउन नसकेपछि उनीहरुलाई नगदसहित पक्राउ गरिएको सशस्त्र प्रहरीले जानकारी दिएको छ।
सशस्त्र प्रहरीले दुवै जनालाई नगद र मोटरसाइकलसहित पक्राउ गरेको हो। पक्राउ परेका दुवै जनालाई नगद रुपैयाँ तथा मोटरसाइकलसहित भन्सार कार्यालय सुनसरीमा बुझाइएको सशस्त्र प्रहरीले जानकारी दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
