फेरि बढ्यो इन्धनको मूल्य, पेट्रोल प्रतिलिटर १२५ रुपैयाँ

अर्थ समाचार

नेपाल लाइभ शनिबार, जेठ २२, २०७८ २०:१६

काठमाडौं– नेपाल आयल निगमले पेट्रोल, डिजेल र मट्टितेल तथा हवाई (आन्तरिक उडान)को मूल्य बढाएको छ।

१५ दिनको अवधिमा मात्रै आयल निगमले इन्धनको मूल्य पुनः बढाएको हो।

निगमले पेट्रोल, डिजेल र मट्टितेल तथा हवाई (आन्तरिक उडान)को मूल्य प्रतिलिटर २ रुपैयाँका दरले बढाएको हो।

यससँगै पेट्रोलको मूल्य प्रतिलिटर १२५ रुपैयाँ पुगेको छ। यस्तै, डिजेल तथा मट्टितेलको मूल्य १०८ र हवाई इन्धन (आन्तरिक)को मूल्य ८० रुपैयाँ प्रतिलिटर कायम भएको छ।

निगमले यसअघि जेठ २ गते मात्रै पेट्रोल, डिजेल, मट्टितेल तथा हवाई इन्धन (आन्तरिक)को मूल्य लिटरमा २ रुपैयाँले बढाएको थियो ।

जेठ २ गते मूल्य बढाउँदा पेट्रोलको मूल्य १२३, डिजेल तथा मट्टितेलको मूल्य १०६ र हवाई इन्धन (आन्तरिक उडान)को मूल्य ८७ रुपैयाँ प्रतिलिटर पुगेको थियो।

त्यतिबेला मूल्य बढाउँदा समेत निगमले १५ दिनको अवधिमा झन्डै १ अर्ब १० करोड रुपैयाँ घाटा हुने अवस्था आएको निगमका प्रवक्ता विनित मणि उपाध्यायले जानकारी दिएका छन्।

इन्डियन आयल कर्पोरेशन (आईओसी)बाट जेठ १८ गते प्राप्त नयाँ मूल्यसूचीअनुसार निषेधाज्ञाको विक्री परिमाणलाई हिसाब गर्दा १५ दिनमा मात्रै निगमलाई करिब ७१ करोड घाटा हुने देखिएको प्रवक्ता उपाध्यायको भनाइ छ।

आईओसीबाट प्राप्त नयाँ मूल्यसूचीअनुसार मूल्य बढाउँदा पनि निगमलाई पेट्रोलमा प्रतिलिटिर ५ रुपैयाँ ३२ पैसा, डिजलमा प्रतिलिटर ३ रुपैयाँ १७ पैसा र खाना पकाउने (एलपी ग्यास)मा प्रतिसिलिण्डर २५८ रुपैयाँ ४६ पैसा घाटा नै रहेको निगमको जिकिर छ।

अन्तर्राष्ट्रिय बजारमा कच्चा तेलको मूल्य बढ्दै गए तथा अमेरिकी डलरको तुलनामा नेपाली रुपैयाँ अवमूल्यन हुने क्रम जारी रहे आगामी दिनमा पनि पेट्रोलियम पदार्थको मूल्य बढ्नसक्ने निगमको भनाइ छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जग्गा कब्जाको आरोपपछि कांग्रेस नेता केसीले भने– मेरो चरित्र हत्या गर्न खोजियो, कानुनी उपचार खोज्छु

अन्तरिक्षमा अलपत्र दुई अन्तरिक्षयात्रीलाई फिर्ता ल्याउन स्पेसएक्सको रकेट प्रक्षेपण, ९ महिनादेखि किन रोकिएका थिए उनीहरु?

मोटरसाइकल दुर्घटनामा एक युवकको मृत्यु