काठमाडौं– सुडानमा जातीय हिंसा रोक्न सफल भएको भन्दै संयुक्त राष्ट्रसंघका महासचिव एन्टोनियो गुटेरसले नेपाली सेनाका कमाण्डरलाई प्रशंसा पत्र दिएका छन्।
दक्षिण सुडानको क्युइबेटमा सम्भावित ठूलो जातीय हिंसालाई रोक्न सफल भएकोमा राष्ट्रसंघका महासचि गुटेरसले नेपाली सेनाको कालिध्जव गणबाट शान्ति सेनामा तैनाथ दशौं डफ्फाका सहसेनानी (क्याप्टेन) विज्ञान विष्टलाई कदरस्वरुप प्रशंसा पत्र प्रदान गरेका हुन्।
जातिय हिंसात्मक झडप हुन नदिन छोटो समयमा लिएको अदम्य साहस र पहलताका कारण सम्भावित ठूलो जातिय हिंसालाई रोक्न सफल भएको भन्दै राष्ट्रसंघका महासचिवले क्याप्टेन विष्टलाई प्रसंशा पत्र प्रदान गरेका हुन्।
दक्षिण सुडानमा शान्ति स्थापनार्थ तैनाथ नेपाली सेनाको अस्थायी अपरेटिङ बेस (टीओबी) क्युइबेट नजिक दुई जातिका हितयारधारी समूहबीच हिंसात्मक झडप शुरु भएको थियो।
कन्गोर र आयइल जातिका मानिसबीच पटक पटक हिंसात्मक झडप हुँदै आएको उक्त क्षेत्रमा १० मंसिर २०७७ मा पनि एउटा क्याम्पमा चोरी गर्न आएका भनिएका कन्गोर जातिका व्यक्तिको मृत्यु भएपछि हिंसात्मक झडप शुरु भएको थियो ।
.jpg)
हिंसात्मक झडपलाई नियन्त्रणमा लिनका लागि क्याप्टेन विष्टको नेतृत्वमा नेपाली शान्ति सैनिकको टोली परिचालन भएको थियो ।
क्याप्टेन विष्टको नेतृत्वमा क्वीक रेस्पोन्स फोर्स परिचालन भएर दुई पक्षबीच झडप हुनबाट जोगाएको नेपाली सेनाको जनसम्पर्क तथा सूचना निर्देशनालयले जानकारी दिएको छ।
जातिय द्वन्दका कारण नरसंहारबाट गुज्रेको उक्त मुलुकमा यस प्रकारका घटनाको पुनराबृत्ति हुनबाट जोगाउन नेपाली शान्ति सैनिकहरुले पुर्याएको योगदानलाई संयुक्त राष्ट्र संघबाट उच्च प्रशंसा भएको सेनाको जनसम्पर्क तथा सूचना निर्देशनालयको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
