काठमाडौं– प्रधान सेनापति (महारथी) पूर्णचन्द्र थापाले सोमबार सुदूरपश्चिम, मध्यपश्चिम र उत्तरपश्चिम पृतनाअन्तर्गतका युनिटहरुको निरीक्षण भ्रमण गरेका छन्।
निरीक्षण भ्रमणको क्रममा प्रधान सेनापति थापाले सुदुर पश्चितम पृतना अन्तर्गत बोराडाँडीमा नवनिर्मित फिल्ड अस्पताल, नेपाली सेना सुपथ मुल्य क्यान्टिनको धनगढी शाखा र तेघरीस्थित सैनिक शिविरको उद्घाटन गरेका छन्।
सुदूरपश्चिम पृतनाअन्तर्गतका युनिटहरुमा रहने यी संरचनाहरु नेपाली सेनाका हिताधिकारीहरुलाई क्षेत्रगत रुपमा नै विभिन्न सुविधाहरु प्रदान गर्ने लक्ष्यका तयार भएका सैनिक जनसम्पर्क तथा सूचना निर्देशनालयले जानकारी दिएको छ।
प्रधान सेनापति थापाले सोमबार नै मध्यपश्चिम पृतनाअन्तर्गत नवलपरासीमा तैनाथ कालीध्वज गण र उत्तरपश्चिम पृतना अन्तर्गत बाँकेमा तैनाथ अर्जुनवाण गणको पनि स्थलगत अनुगमन गरेका छन्।
अनुगमनका क्रममा प्रधान सेनापति थापाले गणहरुको बस्तुस्थिति, बन्दोबस्ती लगायत अन्य विविध पक्षबारे जानकारी लिनुका साथै सकलदर्जाहरुलाई सम्बोधन समेत गरेका सैनिक जनसम्पर्क तथा सूचना निर्देशनालयले जानकारी दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
