दिल्ली- भारतको नयाँ दिल्ली राज्यका मुख्यमन्त्री अरविन्द केजरीवालले दिल्लीमा कोरोना संक्रमितको संख्या निरन्तर घट्दै आएको दाबी गरेका छन्।
यो सबै दिल्लीका दुई करोड जनताको कडा मेहनतले सम्भव भएको उनले बताएका छन्। ‘दिल्लीका जनताले एक महिनाभित्र कोरोनाको दोस्रो लहरलाई जितेका छन्। पछिल्लो २४ घण्टामा कोरोना संक्रमणको दर डेढ प्रतिशत थियो। लगभग ११ सय कोरोना संक्रमण फेला परेका छन्,’ उनले भने।
उनका अनुसार अहिले अस्पतालमा वेडको समस्या पनि छैन। सबै प्रकारका वेडहरु खाली रहेको उनले जानकारी दिए। ‘अब बिस्तारै लकडाउन खुकुलो पार्ने समय आइसकेको छ। हामी एकतर्फ कोरोना नियन्त्रण पनि गर्नेछौं र अर्कोतर्फ आर्थिक गतिविधिहरू सुरु गर्नेछौं,’ उनले भने।
दिल्लीमा जारी लकडाउन सोमबार बिहान ५ बजे सकिँदै छ। ‘आज एलजी साहको अध्यक्षतामा एक बैठक भएको थियो र लकडाउन खोल्न केही निर्णय लिइएको छ। कोरोना ठूलो कठिनाइको साथ नियन्त्रणमा आएको छ। हामी बिस्तारै लकडाउन खोल्न गइरहेका छौं,’ उनले भने।
उनले आफ्नो प्रथमिक्तामा दैनिक ज्यालादारी गर्ने मजदुर रहेको बताए। ‘हामी दैनिक ज्यालादारी गर्ने मजदुरलाई उच्च प्राथमिकता दिनेछौं। सोमबार बिहानदेखि निर्माण र कारखानाको काम सुरु भइरहेको छ। हामी यसबारे गाइडलाइन पनि जारी गर्नेछौं,’ उनले भने।
यसपछि लकडाउन विशेषज्ञहरूका रायमा आधारित रहेर अन्य क्षेत्र खुकुलो पार्ने उनले बताए।
‘यसको अवस्था यो छ कि कोरोनाको नयाँ केशहरू बढ्नु हुँदैन। एक कोरोना सम्बन्धित सतर्कता पछ्याउनु पर्छ। यदि कोरोना फेरि बढ्न थाल्छ भने लकडाउन लागू गर्नबाहेक अरू विकल्प हुनेछैन,’ उनले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789792206.jpg)
-1786602170.png)
