वीरगन्ज– झन्डै ५४ लाख रुपैयाँ नगदसहित पर्सा प्रहरीले २ जना हुण्डी कारोबारीलाई पक्राउ गरेको छ।
पक्राउ पर्नेमा बाराको प्रसौनी गाउँपालिका–६ घर भएका २६ वर्षीय शिव आनन्द गुप्ता र पर्साको वीरगन्ज महानगरपालिका– ११ श्रीपुर घर भएका १९ वर्षीय प्रकाश जैसवाल छन्।
वीरगन्ज महानगरपालिका–८ स्थित वीरगन्ज पब्लिक कलेज नजिक डेरा गरी बस्ने व्यक्ति अवैध वित्तीय कारोबारमा संलग्न रहेको सूचनाका आधारमा जिल्ला प्रहरी कार्यालय पर्साको टोलीले टोलीले निगरानी बढाएको थियो।
निगरानीमा रहेकामध्ये १९ वर्षीय प्रकाश जैसवाल बिहीबार श्रीपुरमा कालो झोला बोकेर हिँडिरहेको अवस्थामा भेटिएपछि प्रहरीले उनलाई पक्राउ गरेको थियो। प्रहरीले प्रकाशको झोला खानतलासी गर्दा २४ लाख रुपैयाँ बरामद भेटिएको थियो।
प्रकाशसँगको सोधपुछ र पूर्वसूचनाको आधारमा वीरगन्ज पब्लिक कलेज नजिक रहेको शिव कुमार आनन्दको कोठामा खानतलासी गर्दा थप २९ लाख ८० हजार रुपैयाँ बरामद भएको प्रहरीले जानकारी दिएको छ।
प्रहरीले दुवै जनाको साथबाट गरी जम्मा ५३ लाख ८० हजार रुपैयाँ बरामद भएको जानकारी दिएको छ।
बिहीबार पक्राउ परेका दुवैजनाविरुद्ध बैंक तथा वित्तीय ऐनसम्बन्धी कसूरअन्तर्गत थप अनुसन्धान भइरहेको जिल्ला प्रहरी कार्यालय पर्साका डीएसपी ओम प्रकाश खनालले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
