काठमाडौं- प्रधानमन्त्री केपी शर्मा ओलीले बोलाएको मन्त्रिपरिषद् बैठकमा भाग लिन मन्त्रीहरु बालुवाटारस्थित प्रधानमन्त्री निवासमा पुगिसकेका थिए। धेरैजसो एमाले स्थायी कमिटीको बैठकमा थिए।
त्यहीबेला सर्वोच्च अदालतले सांसद नरहेका सातजना मन्त्रीको नियुक्ति गैरसंवैधानिक रहेकाले मन्त्रीका रुपमा काम नगर्न र नगराउन आदेश दियो। मन्त्रिपरिषद् बैठकमा नपुग्दै सर्वोच्चको फैसला आएपछि उनीहरुको पद गयो।
सर्वोच्चको आदेशअनुसार तत्कालीन माओवादीबाट एमाले प्रवेश गरेका सातजना मन्त्री स्वतः पदमुक्त भएका छन्। त्यसरी पदमुक्त हुनेमा गृहमन्त्री रामबहादुर थापा ‘बादल’, ऊर्जामन्त्री टोपबहादुर रायमाझी, उद्योगमन्त्री लेखराज भट्ट, शहरी विकासमन्त्री प्रभु साह, खानेपानीमन्त्री मणि थापा, श्रममन्त्री गौरीशंकर चौधरी र युवा तथा खेलकुदमन्त्री दावा तामाङ छन्।
उनीहरुमध्ये बादल र चौधरीबाहेक सबैजना बालुवाटार पुगिसकेका थिए। बादल राष्ट्रिय सभा उपनिर्वाचनको उम्मेदवार रहेकाले हेटौंडामा छन् भने चौधरी कोरोना संक्रमित भएर आइसोलेसनमा छन्। बालुवाटार पुगेका मन्त्रीहरु भने अहिले मन्त्रिपरिषद् बैठकमा सहभागी भइरहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768118189.png)
-1764146706.png)
