एनसेलका ग्राहकलाई हरेक दिन ‘स्मार्ट फोन’ जित्ने अवसर

कर्पोरेट

नेपाल लाइभ बुधबार, वैशाख २९, २०७८ ११:४०

काठमाडौं- एनसेलका ग्राहकले अब युनाइटेड अरब एमिरेट्स (यूएई) बाट आउने कलमा हरेक दिन ‘स्मार्ट फोन’ जित्ने मौका पाउने भएका छन्। एनसेल आजियाटा लिमिटेडले यो आकर्षक योजना हिजो (मंगलबार)देखि लागू गरेको जानकारी दिएको छ।

‘इदको अवसरमा ल्याइएको यो योजना सुरू भएको दिनदेखि सात दिनका लागि सञ्चालनमा रहनेछ। यस आकर्षक योजनाअन्तर्गत यूएईबाट धेरैभन्दा धेरै आगमन कलमा कुरा गर्नुहुने ग्राहकले हरेक दिन सामसुङ ग्यालेक्सी एट्वान्टी स्मार्ट फोन जित्न सक्ने छन्,’ कम्पनीद्वारा जारी विज्ञप्तिमा उल्लेख छ।

यूएईमा रहेको ‘डू’ मोबाइल सेवा प्रदायकको सिमकार्ड प्रयोगकर्ताको नेपालमा रहेका आफ्ना परिवारका सदस्य, आफन्त वा साथीभाइले यो योजनाको लाभ लिन सकिने जनाएको छ।

‘यो योजनाअन्तर्गत, यूएईबाट सबैभन्दा धेरै आगमन कल प्राप्त गर्ने एक ग्राहकले हरेक दिन एक सामसुङ ग्यालेक्सी एट्वान्टी स्मार्ट फोन जित्न सफल हुनेछ,’ विज्ञप्तिमा उल्लेख छ, ‘सात दिनको अवधिमा सात जना ग्राहकले स्मार्टफोन जित्ने छन्।'

ग्राहकले उठाएको आगमन कलको कूल संख्या, औसत कल समय र कूल कुराकानी गरेको मिनेटको आधारमा स्मार्ट फोन विजयी ग्राहकको नाम घोषणा गरिने कम्पनीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अभद्र व्यवहारसम्बन्धी मुद्दामा पक्राउ परेकी आशिका तामाङलाई पाँच दिन हिरासत राख्न अनुमति

बीमाको रकम हत्याउन भारतीय प्रेमीसँग मिलेर श्रीमानको हत्या

सरकारमा सहभागी मन्त्रीहरुसँग देउवाले लिए कार्यप्रगतिबारे जानकारी