२७.४७ अंकले बढ्यो नेप्से, सबै समूहमा हरियाली

बैंक/बिमा/सेयर

नेपाल लाइभ मंगलबार, वैशाख २८, २०७८ १५:४४

काठमाडाैं- साताको तेस्रो कारोबार दिन मंगलबार नेपालको पुँजीबजार मापक नेप्से दोहोरो अंकले बढेको छ।

आज नेपाल स्टक एक्सचेन्ज (नेप्से) परिसूचक २७.४७ अंकले बढेर २६७३.३२ विन्दुमा कायम भएको छ।

यस्तै, ठूला कम्पनीको सेयर कारोबार मापन गर्ने सेन्सेटिभ परिसूचक पनि ३.१२ अंकले बढेर ४७८.२४ विन्दुमा कायम भएको छ।

नेप्से परिसूचक बढे पनि आजको कारोबार पाँच अर्ब ८१ करोड छ लाख ७३ हजार रुपैयाँमा सीमित भएको छ। आज २२० वटा कम्पनीका एक करोड आठ लाख १९ हजार ५३५ कित्ता सेयर ६२ हजार ६५९ पटक खरिद-बिक्री भएका थिए।

आज बोटलर्स नेपाल (तराई)का सेयरधनीले सबैभन्दा बढी १० प्रतिशतका दरले कमाएका छन्। विशाल बजार कम्पनी लिमिटेडको कारोबारमा नकारात्मक सर्किट लाग्दा उक्त कम्पनीका लगानीकर्ता सबैभन्दा धेरै गुमाउनेमा परे।

आज नेपाल पुनर्बिमा कम्पनी लिमिटेडको सबैभन्दा धेरै ७६ करोड ६५ लाख ३४ हजार रुपैयाँ बराबरको सेयर कारोबार भएको छ। सङ्ख्यात्मक आधारमा अपी पावर कम्पनी अगाडि रह्यो। आज उक्त कम्पनीका पाँच लाख ७७ हजार २९५ कित्ता सेयर किनबेच भएका थिए। नेपाल पुनर्बिमा कम्पनीका सेयर सबैभन्दा धेरै पाँच हजार ५४१ पटक किनबेच भएका थिए।

आज सबै समूहका परिसूचक उकालो लागेका छन्। जीवन बिमा समूहको परिसूचक सबैभन्दा बढी २६५.५८ अंकले बढेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित