काठमाडाैं– बागमती प्रदेशको रिक्त अन्य समूहको राष्ट्रिय सभा सदस्य पदको उपनिर्वाचनका लागि उम्मेद्वारको मनोनयन दर्ता हुँदै छ।
जेठ ६ गते हुने उपनिर्वाचनका लागि निर्वाचन आयोगले आज मनोनयन दर्ता गर्ने मिति तोकेको थियाे। उम्मेद्वारले बिहान १० बजेदेखि दिउँसो चार बजेसम्म मनोनयन पत्र दर्ता गर्न सक्नेछन्। माओवादी केन्द्र, कांग्रेससहितका विपक्षी दलले साझा उम्मेदवारका रूपमा डा खिमलाल देवकोटालाई उठाउने भएका छन्।
एमालेले भने हालसम्म उम्मेद्वार ताेक्न सकेकाे छैन। गृहमन्त्री रामबहादुर थापा ‘बादल’काे स्थानमा निर्वाचन हुने भएकाले उनलाई नै उम्मेद्वार बनाउने विषयमा बिहीवार छलफल भएपनि सहमति भएन।
हार्न सक्ने सम्भावना देखेपछि थापाले आफू नउठ्ने बताएपछि उम्मेद्वार तय हुन नसकेकाे हाे। शुक्रबार (आज) बिहान पार्टीमा छलफल गरेर उपयुक्त उम्मेदवार टुङ्गो लगाउने भन्दै स्थायी समिति वैठक सकिएकाे थियाे।
यसैबीच, राष्ट्रिय सभा उपनिर्वाचनका लागि पाँच दल मात्रै दर्ता भएका छन्। उपनिर्वाचनका लागि एमाले, कांग्रेस, माओवादी केन्द्र, राप्रपा र नेमकिपामात्र दर्ता भएकाे निर्वाचन आयाेगले बताएकाे छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1693220145.jpg)
-1786602170.png)
