नेप्से सामान्य अंकले घट्यो, २ जलविद्युत् कम्पनीको कारोबारमा सकारात्मक सर्किट

बैंक/बिमा/सेयर

नेपाल लाइभ बुधबार, वैशाख २२, २०७८ १५:२५

काठमाडाैं- नेपालको पुँजीबजार मापक नेप्से बुधबार सामान्य अंकले घटेको छ। आज नेपाल स्टक एक्सचेन्ज (नेप्से) परिसूचक ५.०९ अंकले घटेर २६४९.६० विन्दुमा झरेको हो।

यस्तै, ठूला कम्पनीको सेयर कारोबार मापन गर्ने सेन्सेटिभ परिसूचक पनि ओरालो लागेको छ। सेन्सेटिभ १.६५ अंकले घटेर ४७३.८० विन्दुमा कायम भएको छ।

आज कूल छ अर्ब २१ करोड ६८ लाख १४ हजार रुपैयाँ बराबरको सेयर कारोबार भएको छ। आज २१८ वटा कम्पनीका एक करोड ४८ लाख ६७ हजार ९९५ कित्ता सेयर ७८ हजार ७७१ पटक खरिद-बिक्री भएका थिए।

आज रिडी हाइड्रोपावर डेभलपमेन्ट कम्पनी र रैराङ हाइड्रोपावर डेभलपमेन्ट कम्पनीको कारोकारमा सकारात्मक सर्किट लाग्दा आशा लघुवित्त वित्तीय संस्थाका लगानीकर्ताले सबैभन्दा धेरै प्रतिकित्ता ३.४३ प्रतिशतका दरले गुमाएका छन्।

आज प्रभु इन्स्योरेन्स कम्पनी लिमिटेडको प्रोमोटर सेयर सबैभन्दा धेरै २३ करोड ६९ लाख ६८ हजार रुपैयाँ बराबरको कारोबार भएको छ। सङ्ख्यात्मक आधारमा सोही कम्पनी अगाडि रह्यो। आज प्रभु इन्स्योरेन्सका सात लाख ३५ हजार कित्ता प्रोमोटर सेयर किनबेच भएका थिए। सिंगटी हाइड्रो इनर्जी लिमिटेडको सेयर सबैभन्दा बढी छ हजार २१९ पटक खरिद-बिक्री भएको नेप्सेले जनाएको छ।

आज फाइनान्स र जलविद्युत समूहको परिसूचकमात्र बढेको छ भने अन्य सबै समूहको परिसूचक ओरालो लागेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित