स्वास्थ्य मापदण्ड पालना गरी सेवा प्रवाह गर्न डेभलपमेन्ट बैंकर्स एसोसिएसनको आग्रह

बैंक/बिमा/सेयर

नेपाल लाइभ सोमबार, वैशाख २०, २०७८ ११:३७

काठमाडौं- विकास बैंकहरूको साझा संस्था डेभलपमेन्ट बैंकर्स एसोसिएसन अफ नेपालले कोरोना भाइरसको बढ्दो संक्रमणलाई मध्यनजर गर्दै नेपाल राष्ट्र बैंकले जारी गरेको निर्देशन पूर्ण पालना गरी सेवा प्रवाह गर्न आफ्ना सदस्य बैंकहरूलाई आग्रह गरेको छ।

एसोसिएसनले डिजिटल बैंकिङमार्फत सेवा प्रदान गर्न तथा ग्राहकहरूलाई समेत त्यसमा प्रेरित गर्न अनुरोध गरेको छ। ग्राहकहरूलाई पनि सकेसम्म डिजिटल बैंकिङमा जोडिएर त्यसबाटै सेवा लिन अपिल गरेको छ।

एसोसिएसनले यस विषम् परिस्थितिले बैंक तथा वित्तीय संस्थाहरूलाई आफ्ना ग्राहकहरूलाई सेवा प्रदान गर्न चुनौती थपेको उल्लेख गर्दै निषेधात्मक आदेशको अनुपालना गर्दै र आवश्यक सजगता अपनाउँदै सेवा प्रदान गर्नका लागि आफूसँग सम्बद्ध सदस्य बैंकहरू प्रयासरत रहेकोसमेत उल्लेख गरेको छ।

निषेधाज्ञा जारी भएका स्थानमा राष्ट्र बैंकले दिएको निर्देशनको परिधिभित्र रही सेवा प्रदान गर्नका लागि प्रत्येक सदस्य बैंकले योजना बनाउने र उक्त योजना सदस्य बैंकहरूबीच समन्वयताका लागि आदानप्रदान गर्न एसोसिएसनले आग्रह गरेको छ।

यस्तो छ डेभलपमेन्ट बैंकर्स एसोसिएसन अफ नेपालको १२ बुँदे निर्देशनः

नेपाल राष्ट्र बैंकबाट जारी गरिएको निर्देशनको अक्षरश पालना गर्ने र कर्मचारी तथा ग्राहकहरूको स्वास्थ्यलाई उच्च प्राथमिकता दिई कोभिडको असर पर्न नदिनका लागि संभव भएसम्मका उपायहरूको अवलम्बन गर्ने।
निषेधाज्ञा जारी भएका स्थानमा नेपाल राष्ट्र बैंकले दिएको निर्देशनको परिधिभित्र रही सेवा प्रदान गर्नका लागि प्रत्येक सदस्य बैंकले योजना बनाउने र उक्त योजना सदस्य बैंकहरूबीच समन्वयताका लागि आदानप्रदान गर्ने।
सेवा प्रदान गर्न खोलिने शाखा/वैकल्पिक शाखाहरूको सूची बैंकिङ समयसमेत उल्लेख गरी प्रत्येक दिन बैंकको वेभसाइट र शाखाका मूल ढोकामा प्रकाशित गर्ने व्यवस्था मिलाउने।
स्थानीय प्रशासनले बैंकिङ सेवासमेत प्रवाह गर्न रोक लगाएको वा वैकल्पिक व्यवस्था गरेको भएमा सोहीअनुसार गर्ने।
स्थानीय प्रशासन र अन्य निकायहरूसँग आवश्यक समन्वयको व्यवस्था मिलाउने।
प्रत्येक सदस्य बैंकले प्रधान कार्यालयमा र शाखाहरूमा ग्राहकबाट लिइने जानकारी प्रदान गर्न र समन्वय गर्नका लागि सम्पर्क व्यक्ति तोकी उक्त सम्पर्क व्यक्तिको फोन नं. र इमेल आईडी बैंकको वेभसाइटमा प्रकाशित गर्ने।
सदस्य बैंकले प्रधान कार्यालयमा दुई जना वरिष्ठ पदाधिकारीहरूलाई सम्पर्क व्यक्ति तोकी उक्त पदाधिकारीहरूको नाम, मोबाइल नं., इमेल आईडी आदि एसोसिएसनको सचिवालयलाई उपलब्ध गराउने।
एसोसिएसनको माध्यमबाट पहल गरी समाधान गर्नुपर्ने किसिमका कुनै समस्या आएमा अध्यक्ष/उपाध्यक्ष/अन्य कार्यसमिति पदाधिकारी वा सचिवालयमा यथाशीघ्र जानकारी गराउने।
डिजिटल बैंकिङ प्रडक्टहरूबाट बैंकिङ कारोबार गर्न ग्राहकहरूलाई उत्प्रेरित गर्ने र उपलब्ध र सम्भव भए सम्मका सञ्चारमाध्यमबाट सोसम्बन्धी जानकारी ग्राहकलाई गराउने।
डिजिटल बैंकिङ प्रडक्टहरूबाट गरिने बैंकिङ कारोबारका प्रक्रियाहरू र अपनाउनुपर्ने सावधानीका बारेमा पनि ग्राहकहरूलाई उपलब्ध र सम्भव भएसम्मका सञ्चारमाध्यमबाट जानकारी गराउने।
डिजिटल बैंकिङ प्रडक्टहरूबाट बैंकिङ कारोबार गर्दा जोखिम पनि बढ्ने भएकाले जोखिम न्यूनीकरणका उपायहरू अवलम्बन गर्ने।
जोखिम न्यूनीकरण गर्नका लागि सदस्य बैंकहरूले लागू गरेका उत्तम अभ्यासहरू उपलब्ध गराउन मिल्नेसम्मको सीमाभित्र रही जानकारी गराइ एक अर्कालाई सहयोग गर्ने।
अन्य कुराहरूको हकमा नेपाल राष्ट्र बैंकको निर्देशन तथा स्थानीय प्रशासन वा नेपाल सरकारको निर्णय र सम्बन्धित सदस्य बैंकको नीति नियमको परिधिभित्र रहेर कार्य गर्ने।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

चर्चित वाइल्डलाइफ फोटोग्राफर चुङ्बा शेर्पाको निधन

पौष शुक्ल पूर्णिमा : स्वस्थानी व्रतकथा आजदेखि सुरु

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन