२०७४ मंसिरमा भएको निर्वाचनमा हृदयेश त्रिपाठी समूह तत्कालीन एमालेको सूर्य चुनाव चिह्न लिएर निर्वाचनमा गएको थियो। एमाले प्रवेश गर्ने अपेक्षासहित त्रिपाठी समूहलाई वाम गठबन्धनले आफ्नो उम्मेदवार नउठाएर सहयोग गरेको थियो। गठबन्धनकै सहयोगमा त्रिपाठी समूहबाट प्रतिनिधि सभामा दुई जना र लुम्बिननी प्रदेश सभामा तीन जना निर्वाचित भए।
प्रतिनिधि सभामा नवलपरासी क्षेत्र नम्बर १ बाट त्रिपाठी, कपिलवस्तु क्षेत्र नम्बर २ बाट वृजेशकुमार गुप्ता निर्वाचित भए। यस्तै, प्रदेश सभातर्फ धर्मबहादुरलाल श्रीवास्तव कपिलवस्तु क्षेत्र नम्बर २ को ‘ख’ बाट निर्वाचित भए भने दीर्घनारायण पाण्डेय कपिलवस्तु क्षेत्र नम्बर २ को ‘क’बाट निर्वाचित भए। र, अजय शाही नलपरासी पश्चिम क्षेत्र नम्बर १ को ‘ख’बाट निर्वाचित भए। पाण्डेय यसअघि नै एमाले प्रवेश गरिसकेका थिए। उनले पनि आइतबार नै राजीनामा दिइसकेका छन्।
तर, श्रीवास्तव र शाही स्वतन्त्र समूहमै थिए। लुम्बिनी प्रदेशका मुख्यमन्त्री शंकर पोखरेललाई त्रिपाठी समूहका २ जना सांसदले आइतबार सहयोग नगर्ने निर्णय गरे। राजनीनामा दिएका पोखरेललाई सहयोग नगरेर माओवादी केन्द्रका सांसद कुलप्रसाद केसीलाई प्रस्तावित मुख्यमन्त्रीमा किन सहयोग गर्ने निर्णय गर्नुभयो भनि स्वतन्त्र सांसद धर्मबहादुरलाल श्रीवास्तवसँग नेपाल लाइभले गरेको कुराकानीको अंश :
तपाईंलेहरूले मुख्यमन्त्री शंकर पोखरेललाई समथर्न नगर्ने निर्णय किन गर्नु भएको हो?
हो, समर्थन नगर्ने निर्णय गरेका हौं। अर्का स्वतन्त्र सांसद अजय शाहीले पनि समर्थन गर्नुहुन्न। हामी स्वतन्त्र राजनीतिक समूहको एउटा समझदारी अनुसार चुनाव चिन्ह सूर्य प्रयोग गरेका थियौं। हाम्रो लागि पोखरेलजीले केही गर्न सक्नु भएन। हामीलाई कुनै निकास नदिएकाले दुवै जनाले समर्थन नगर्ने निर्णय गरेका छौं। हामीले कुनै राजनीतिक दलको सदस्यता पनि दिएका छैनौं। उहाँ (शंकर पोखरेल)ले सदस्यता पनि दिन सक्नु भएन। सायद हामीलाई सच्याउन सक्नु भएन कि? त्यो उहाँहरूको कुरा हो। त्यसैले हामीले गठबन्धनका प्रस्तावित मुख्यमन्त्री कुलबहादुर केसीलाई समर्थन गर्ने निर्णय गरेका छौं।
प्रधानमन्त्री केपी ओलीको क्याबिनेटमा तपाईकै नेता मन्त्री हुनुहुन्छ, प्रदेशमा तपाईंहरुले ओलीनिकट नेतालाई समर्थन नगर्दा गाह्रो होला नि?
त्यो केन्द्रको कुरा केन्द्रमा सोध्नुस्। प्रदेशको निर्णय गर्न हामी स्वतन्त्र छौं। हामी पार्टीमा आवद्ध पनि छैनौं। हामीलाई एमालेको संसदीय दलको बैठकमा बोलाइन्थ्यो। हामी त्यहाँ जान्थ्याैं। त्यहाँ उनको निर्णयमा स्वतन्त्र राजनीतिक दल लेखेर हामी हस्ताक्षर गर्थ्याैं । त्यसमा हामीलाई कुनै अप्ठ्यारो पर्दैन।
तपाईं सूर्य चिन्ह लिएर निर्वाचित हुनुभयो। तर, एमाले नेताहरू अहिले अप्ठ्यारो पर्दा धोका दिनुभयो भन्छन्..
हामीले लिएको चुनाव चिन्ह न हो। पार्टी प्रवेश गरेका हौं र? हामी निर्वाचित भएपछि मुख्यमन्त्री पोखरेलाई सर्पोट गर्याैं। उनले सभामुख, मन्त्री बनाउँदा लगायतका सबै निर्णयमा सहयोग गरेका छौं। हामीले विश्वासघात गरेको होइनाैं। उहाँहरूले हामीलाई पार्टीमा समेट्न नसक्नु कमजोरी हो। त्यो उहाँलाई सोध्नुस्। हामीले उहाँको पार्टीको सदस्य समेत लिएका छैनौं। हामी राजनीति गर्ने मान्छे, पार्टीविहीन कसरी राजनीति गर्ने त्यो तपाईं बुझ्नुस्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1693220145.jpg)
-1786602170.png)
