काठमाडौं– दोस्रो पटक कोरोना संक्रमित बनेका कलाकार मदनकृष्ण श्रेष्ठ ८ दिन लामो अस्पताल बसाइँपछि शुक्रबार डिस्चार्ज भएका छन्।
श्रेष्ठका परिवारका पाँचै जनालाई संक्रमण भएको थियो।
८ दिन राजधानीको मेडिसिटी अस्पताल बसेर डिस्चार्ज भएसँगै श्रेष्ठले एक भिडियो सन्देश जारी गरेर कोभिड–१९ बाट सुरक्षित बस्न आग्रह गरेका छन्।
यसपटकको कोरोनाले आफूलाई निकै गालेको बताइरहँदा मदनकृष्णको श्वास फुलिरहेको थियो। उनी अफ्ट्यारोसँग संक्रमणबाट बच्न सुझाव दिइरहेका थिए। उनले कोरोनालाई खेलाचीको रुपमा नलिन आग्रह गरे। सावधानी अपनाउन, मास्कको प्रयोग गर्न र नियमित सावुन पानीले हात धुन आग्रह गरे।
यसो भने मदनकृष्ण श्रेष्ठले
आठ दिन मेडिसटी अस्पतालमा उपचार गरेर डिस्चार्ज भएर घर आएको छु। खुसी पनि लागेको छ। अस्पतालको सेवा राम्रो थियो।
तर यो दुखको घडी हो। यो संसारलाई महासंकट, प्रलय भएको कोरोना कहर। यो बेला सबैले सबैलाई माया गरौं, सबैले सबैको राम्रो हित सोचौं।
केही छैन जिन्दगी, केही रहिन्छ। शरीर फलाम जस्तो लाग्थ्यो पहाड फोड्दिँउ जस्तो लाग्थ्यो। हावा रहेछ सबै शरीर त! केही रहिन्छ। त्यसकारण यो बेलामा कसैले कसैलाई पोलिटिकल इखबिख पोखेर कृतघ्न नबनाउन। मनलाई फोहर नबनाउ बाबा! बिन्ति छ । सबले सबको राम्रो सोचौं। एकले अर्कोलाई वैमनश्यता भाव पालेर केही छैन। मनमा राक्षस पलाउने मात्र रहेछ। राक्षस होइन भगवान पलाउन पर्छ। यो सबैलाई थाहा छ खाली मैले सम्झाउन खोजेको मात्र हो।
यो कोरोनाले एकदमै गाल्दो रहेछ। जिउ यस्तो बन्यो जिन्दगीमा नभोगेको गलाई यो।
पहिलाको कोरोनाले इम्युनिटी पावर जिरो बनाइदिँदो रहेछ इनर्जी बाँकी हुने रहेछ। त्यसको ठिक उल्टो रहेछ अहिले इम्युनिटी पावर बाँकी रहने इनर्जी पावर जिरो बनाइदिँदो रहेछ। प्लेटको भातसमेत चम्चाले लिन नसकिने, मुख त धेरै कोश टाढाको कुरा।
मेरो पाँचै जना परिवारलाई कोरोनाले छोयो। पहिला एक जनालाई मात्र छोएको थियो यसपटक परिवारका परिवारलाई झ्याप्प पार्दो रहेछ।
एकले अर्कोलाई, कसैले कसैलाई वास्ता गर्न सकिएको थिएन। तातो पानी कसले तताउँने,खाना कसले बनाउने । आठ दिन बसेर आउँदा छिमेकीहरु, म एकदम भाग्मानी छु । उहाँहरुले मिठोमिठो खुवाउँनु भयो। देशभर यस्तै हुनुपर्छ । एकले अर्कालाई प्रेमको आखाले हेर्ने संसार सुख हुन्छ । संसारको दुर्दशा रहेछ । सबै मिलेर कोरोनालाई जित्नुपर्छ।
मास्क अत्यन्त जरुरी छ। असुरक्षित ठाउँमा नजानु होला, जानेवित्तिकै मास्क लगाउनु होला, दूरी कायम गर्नु होला, सावन पानीले हात धुनु होला अरु केही छैन यही हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
