काठमाडौं- प्रधानमन्त्री केपी शर्मा ओलीले भारतीय कम्युनिष्ट पार्टी (माक्र्सवादी)का महासचिव सीताराम यचुरीका छाेराको निधनप्रति दुःख व्यक्त गरेका छन्।
येचुरीका जेठो छोरा आशीषको बिहीबार बिहान मृत्यु भएको थियाे। दिवंगतप्रति श्रद्धाञ्जली व्यक्त गर्दै ओलीले पुत्रशोकमा परेका यचुरी तथा परिवारजनमा गहिरो समवेदना व्यक्त गरेका छन्।
‘आशिष यचुरीको अल्पायुमै निधन भएको खबरले अत्यन्त दुःख लागेको छ। दिवंगत आशिषप्रति हार्दिक श्रद्धाञ्जलि अर्पण गर्दै पुत्रशोकमा पर्नु भएका कमरेड सीताराम यचुरी तथा परिवारजनमा गहिरो समवेदना व्यक्त गर्दछु,’ उनले ट्वीटरमा लेखेका छन्।
समाचार एजेन्सी पीटीआईका अनुसार ९ जुनमा आशीष ३५ वर्षका हुँदै थिए। उनको उपचार गुडगाउको मेदान्त अस्पतालमा चलिहरको थियो र उनको अवस्था सुधारउन्मुख थियो। तर, बिहान साढे ५ बजे दुई हप्ताको संघर्षपछि उनको मृत्यु भएकाे हाे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771309463.png)
-1764146706.png)
