काठमाडौं- सरकारले प्रधानमन्त्री रोजगार कार्यक्रम जस्तै अर्को रोजगार कार्यक्रम आगामी बजेटमा समावेश गर्ने तयारी गरेको छ। प्रधानमन्त्री रोजगार कार्यक्रम प्रभावकारी नभएको अवस्थामा फेरि 'पपुलर' बन्नका लागि नयाँ उस्तै खालको रोजगार कार्यक्रम ल्याउने तयारी भएको छ।
आगामी आर्थिक वर्ष २०७८/७९ बाट नयाँ रोजगार कार्यक्रम ल्याउने तयारी गरिएको हो। वन तथा वातावरण मन्त्रालयले 'प्रधानमन्त्री जडिबुटी तथा कृषि वन रोजगार कार्यक्रम'का नाममा नयाँ कार्यक्रम प्रस्ताव गरेको हो।
संघीय संसद् प्रतिनिधि सभाअन्तर्गत अर्थ समितिले बुधबार वन तथा वातावरण मन्त्रालयसँग गरेको पूर्वबजेट छलफल कार्यक्रममा यस्तो कार्यक्रम ल्याउने तयारी भएको मन्त्रालयका सहसचिव प्रकाश लम्सालले बताए।
उनले मन्त्री प्रेम आलेको निर्देशनमा उक्त कार्यक्रम बजेटमा राख्ने तयारी भएको जानकारी दिए। वनस्पति विभागले कार्यान्वयन गर्नेगरि प्रस्ताव गरिएको यो कार्यक्रममा लागि चालूतर्फ ८९ करोड ७१ लाख र पुँजीगततर्फ ८५ अर्ब २९ करोड रूपैयाँ बराबरको सिलिङ प्रस्ताव भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1766648928.png)
